بابٌ يُفتح على صَمت الجَحِيم

**﷽** **\#أشـلاء الجحيم "المُحيط"** **بِقَـلمي: سـِدرة الرَيـان** **مُتـابعه للحساب 📌** **وتعليق بين الفقـرات لُطفـاً 📌** **قصه حقيقيه مُستوحاة مِن أرض الواقع دُمجت بالخيال قليلاً** **أتمنى أن يكون الأحترام سيد الموقف** **من غير استخدام الفاظ ** **لاتُليق بالرواية وأبطالُهـا والمُتابعيـن** **ترا الما جارحك و يغرب بعيد** **چنة مگابلك و ايده على الزناد** **لا هو الكاتلك و مغرب وياه** **و شيحلك واخذ مفتاح الأصفاد** **المات و ما مخلف ينحسب مات** **وشعرك شال اسمك و صار الأولاد ** **💗ــــــــــــــــــــــــــــــــــــــــــــــــــــــــ💗** **قاع يحكمه ظلم الأعيان ** **لروحها كان حطام ** **سلب منها هدوئها والسلام** **انتهك روحها بالقتام** **بعثر قلبها بحقدٌ محتام** **عشق داخلها وهام** **زاد عليها سخطُ السقام** **على أراضٍ نحتها الصمت والألم** **حيث تختبئُ الحقيقة خلف قناع العدم** **وتتسابق الظلال مع الحلم المحطم** **تتقاطع الطرق بين الحب والانتقام** **وتشتعل النوايا تحت ظلال الظلام** **في حكايةٍ ملأتها الأوجاع والصراعات** **حيث يتشظى القلب بين الغدر والخيانات** **وتحفر الجروح في أعماق الذكريات** **يولد من الرماد شبح الأنتقام** **ويخفت النور أمام ظلال العدم** **هنا تبدأ أشـلاء الجحيم "المُحيط"** **حكايةٌ خطت بدموعٍ خفية** **وسُردت على ألحان الحزن في سمفونية من الغموض والمآسي** **المشـهد الأول\.\.\.⚜️** **ضـلام دامـس يخترقه إضـاءة جايه من الشباك المـوجود بالغرفة محبـوسة بين أربع حيطان لأسبـوع كامل محـرومة مـن الأكـل والشـرب حتى الحـيوان ما يعاملوا هيچ ومن خطـأ ما مسؤؤله آنا عنه سلاسل مربطة رجليه بقوة بحيث من شـدة القوة طبع السـلاسل صار واضح برجلي مـلابسي مشگگه حالتي يُرثى لها معـدتي مأذيتني لأن بـدون أكل صارلي أكثر من خمسة أيام أثـار تعذيب مزينه كل أنش بجسمي أثـار الأنتحار إلي كلهن فشلن محاولة ورا محاولة أبتسمت بسُخريه وهمست** **:\- حتى الله ما يريد ياخذني يمه وأرتاح** **باوعت بأنحـاء الغـرفة أجت عيني على الشباك گمت بكل طاقة عندي باوعت بالشباك إلي ضاهر شي خفيف من وجهي فرفحت روحي من شفت شعري الحلو گاصيه الچلاب حتى ما متساوي بگصته تذكرت أمي شلون تعتني بي وما تقبل أحـد يلمسه ولا بأي شكل من الأشكـال نزلت دموعي وآنا أتذكر حنيتها عليَّ مسحت دموعي ومقررة اشـرد وللمره الألف وهلمـره لو أموت لو أشرد من عذابي لفت أنتباهي صوت الآذان وهـو يصيح** **الله أكـبر\.\.\. الله أكبر** **الله أكبر \.\.\.الله أكبر** **أشهـدُ أنَ لا اله إلا الله** **أشهـدُ أنَ لا اله إلا الله** **أشهـدُ أنَ مُحمد رسـول الله ** **أشهدُ أنَ مُحمد رسول الله** **أشهدُ أنَ علياً ولي الله ** **أشهدُ أنَ علياً ولي الله ** **المشـهد الثاني\.\.\.⚜️** **أتنفس بهلع السچينة على رگبتي أقل خطأ أروح بيها أباوع بالوجوه قسم متشمت بيَّ وفرحان وقسـم مكسور خاطره عليَّ ما بأيدهم يسوون شي أستسلمت لأمر الواقـع وبلشت اتشـاهد فـرحانه راح أخلص واروح يـم ربي وأرتاح بس مكسور خاطري لأن خلصت حياتي عـذاب بعذاب ما محققه ولا حلم مـن أحلامي فزيت من صفنتي على صياح الشخص إلي لازم السچينه على رگبتي وهوَّ يصيح** **:\- هـاي العـار لازممم تمووووت نزززلت راااااسنه أنتوا البنات ما يجي من ورااااكم بسسسس العاررر ** **كلامه چان مثل السهـم وبنص گلبي خلاه بالهـدف طول عمـري ساكتة لأن أخاف بس هسـه طفح الكيـل منين أخاف والموت قريب مني خلي احچي شكو شي بگلبي بلشت أصيح وبصوت عالي بحيث الأطرش يسمع ** **:\- ليششششش عـارر شنووو إليي سويتتته عمرررري ما فكرت أسوي شي غلط مخليه تربيةةةةة أمي بعيوني وتعبهاااااا وهيَّ تربيني ما أسوووي شي يكسرهاااا ما اگول شييي بس حسبييي الله على إلي چان السبب وعليكم وعلى كـل شخصص يفكر البنيه عـار ياااا عـااار الزلم ** **وآخر شي سويته تفلت بوجهه وباوعت بنص عيونه بكل قـوة وتحدي معاني الصدمـة واضحة على وجهه مستغرب من كلامي وقوتي وكل خوف ما خايفه من الموت رايحه لربي وآنا أعرف شنو مسويه ليش أخاف بالعكس لازم أفرح راح أخلص من عذابي ومن هـذا المجتمع الرافض للمرأة أبتسمت أبتسامة أخيرة وأردفت** **:\- أذبحني** **المـشهد الثالث\.\.\.⚜️** **ممطولة على بطني ورجليه بالهوا العب بيهن ويمي سلة فواكه آكل منها وگدامـي واحـد معضل لابس بدي أسود وبنطرون أسود وطالع صاك أبن الحلو انتبه جاي أباوع عليه غمزلي بعيونه عضيت شفتي السفليه ونزلت راسي سويت نفسي جاي آكل أردفلي وهوَّ بوجهه ضحكة تـلاعب ** **:\- يول شايفچ دحگين من تحت ليتحت** **:\- چـا عجل وإذا باوعت غيـر حلالي \!** **:\- حـلالچ حـلالچ يُبا بس لو تثبتين على مالتنا عجل لو مالتكم چـا** **:\- بكيفي** **:\- أي يول هوَّ بكيفج وفنه العنـده أعتراض أكسرلچ راسو** **بقه صافن بعيوني أبتسمت وگتله** **:\- يول عش تباوع على عيوني** **:\- يـولي عيونچ چنهن ديرتي وكل دروبي الأرتاح بيهن** **وجهي صار أحمر من كلامه وهاي مو أول مـره يحچي بيها وياي هيچ دائماً يسمعني هـذا الكلام إلي مخليني اكتفي بي أبتسمت وگتله** **:\- چـا آنا أحبك** **:\- عجـل يُبا آنا ميت عليچ** **"لُـغة العيـون حُب آخـر"** **المشهـد الـرابع\.\.\.⚜️** **الدكتور جاي يشرح وكل الطـلاب مندمجين ويا وفجأة الكُل صـار يباوع واحـد بوجه الثـاني من أصوات سيارات الشرطة صـارت بكل مكان وخطوات أشخاص تصعد على الدرج واضح الصوت كُلش أنخبصنه وصرنه ما نعـرف شنو نسـوي أنرعبنه من المـوقف ثواني ودخلو أشخاص لابسين أسود بأسود وكلهم ملثمين كل شخص منهم لازم بأيده سـلاح وعيونهم علينه صـاح واحد منهم ** **:\- يابه أحنى جاين بخصوص تفتيش الكُل يبقى بمكانه أقل حركة نتصرف ويا حسب القانون وصلنه خبر أكـو طلاب هنا جاي تاجر بالمخدرات** **خلص كلامه ورفع الاسلكي وأنطه أمر الكل يبدأ بتفتيش وفعـلاً الكل صار يفتش لحد ما وصلو إلي لزمو الجنطه مالتي وبلشوا يفتشون بيها ثواني وطلعو چيس أبيض منها وجهي صـار أصفر رفعت راسي لضابط وصرت أهز براسي بمعنى لا مو إلي هـذا بس كل محاولاتي باتت بالفشل من أردف الضابط بكلامه و لو تذبحوني ما تلگون قطـرة دم بجسمي** **:\- ألقو القبض عليها بسـرعة ** **الباقياتُ الصالحاتُ خيرٌ و ابقىٰ :** **‏\- سبحان اللّٰـه ** **‏\- الحمد للّٰـه** **‏\- لا اله الا اللّٰـه** **‏\- اللّٰـه اكبر** **‏\- سُبحان اللّٰـه وبحمده** **‏\- سُبحان اللّٰـه العظيم** **‏\- أستغفر اللّٰـه وأتوب اليه** **‏\- لا حوَل ولا قوة الا باللّٰـه ** **‏\- ‏اللّٰـهُـمَ صَلِ ؏ـلى مـُحـَمـَدٌ ۉآݪِ مـُحـَمـَد ** **‏\- لا اله الا أنت سُبحانك اني كُنت مِن الظالمين**