\#اسكوبــار 13 \#فاطمة\_الراشـد \*\*\* عندما أجرم المُجرم فـي جُرمه واشترى الزقوم وتناوله نسيَّ شراب الحَميم ومقابره نسيَّ عند أي متاهةً بقيَّ هل عند ضوء خافت وطاولة ؟ او حبلًا ومشنقة تقود إلى الموت ومقابره ؟ اختفى الضوء وبدأ المحقق بتحقيق جُرمه وأنفجر الضوء مِن كذبه \.\. تندم واكتظ الشراب وتناوله، أصابه الدمار وبتر أصابعه\.\. تقدم الى الأوراق لتنقذه إسودت كـ لعنة الليل وتوقفت الساعة والمَيل انحذر وأصبح بين الضوء وحزمته الوقت ولحظته الموت وحميمه ألمه وزقومه أنتهى الوقت بصدور حكمه هنا نحن تحت عصبة وعصابة موت وأنقاضه مخدرات وتُجَّاره مُحقق وأضواءه ﴿لا يَذُوقُونَ فِيهَا بَرْدًا وَلا شَرَابًا إِلا حَمِيمًا وَغَسَّاقًا ﴾ أقسم الجميـع ذات يوم على نصر الحق ولو بلغت حبال المشانق أطوالها بأعمارها ، فليذوقوا بأيديهم ما فعلت أنفسهم بهم \.\. سيتحول شرابهم إلى زقوم \. \*\*\* المشهد : لبست مِعطفها الأسود وفردت شعرها الاشقر على اكتافها طالعت بالمراية بِأبتسامة خافِتة هامِسة بِصوت مسموع بأنحاء الغُرفة :\- اليوم راح اتخلص من كُل فرد موجود بهاي العائلة، لو انا اخلص لو هُم يتخلصون منـي \. طلعت من الغرفة بعد ما لبست شوزها الرياضي الأسود صادفت بِطريقها عمها الأكبر استغرب لبسها وخروجها بهذا الوقت : \- وين طالعة بهذا الوقت ؟ تبسمت بِوجهه متقربة منه بِفحيح :\- ولا شيء يا عمي، طالعة للشمال كم يوم اغير جو بيهن وارجع \. ربت على اكتافها :\- تهنّي بيهن عدنا هواي شغل بعد \. هزهزت رأسها بِوَعيد مشت تاركته وهي تهمس مع نفسها : \- راح اقلب شغلكم رأسًا على عقب يا عمي، هذهِ المرة كُل شيء مُختلف للأسف حانت نهاية الجميـع \. ركبت سيارتها بعد ما أمرت اولاد عمها يفتحون لها باب البيت الكبير هذا ونفذوا أمرها لأنها الأمرة والناهية هُنا كونها الأذكى والأدهى وسُلالة أُمها تُفيدهم \.\. طلعت من البيت وهي تأشر بأيدها :\- وداعًا يا أعزائي \.\. جهلت خُبثهم وحُقدهم لأي قذارة مُمكن يوصلهم قادرين يتفقون مع الشيطان ذاته حتى يحافظون عليها جَنبهم كونهم يعرفون لو هيّ تركتهم كُل شي راح ينقلب على رأسهم وماكو بعد مَن يشتغل لهم بأعمالهم الغير قانونية ولا اكو إلّي يخطط لهم كيفية سير العمل دون ضرر او كشف من احد الحكومات \. لِهذا وقعت بالكمين المُحكم إلّي جهزوه الها وصلت سيطرة اربيل وطلعت اوراقها الرسمية والهوية ومعاها الأقامة كان كُل شيء نظيف عندها صح هي تشتغل معهم الا انها ما دنست اسمها او احد اكتشف هيّ منو ولصالح منو تشتغل كُل اوراقها واسمها نظيف \. تقدم لها احد رجال الأمن وطلب تفتيش سيارتها هزهزت رأسها بِثقة ونزلت من السيارة وبدؤوا بِتفتيشها وبعد لحظات بسيطة ابتعد الجُندي من السيارة بيده اكياس بيضاء ما معلوم شنو داخلها الا أن الجندي اكتشف هذا وشنو داخله \.\. توسعت عيونها بِصدمة وهي ما تعرف اي شيء عن هذا ولا حتى كيف وصل لسيارتها هذا خاصة انها ما علّمت احد عن زيارتها للشمال غير عمها وكان بلحظات حتى ما يلحگ يخلي لها شيء \.\. تقدم لها الضابط المسؤول وهَمس بلهجته بعد ما أخذ مقيد ايديها :\- تهريب مُخدرات واسلحة ؛ انتِ منو ؟ \*\*\* التفتت عليه لابس الدشداشـة البيضاء والساعة وكاشخ عالآخر بلعت ريگي بصعوبة وتراجعت بخطوات مخنوگة وافرك گلبي سحبت نَفـس وضميت نفسي ورا السيـارة ما أعرف شلون راح اتحمل هذا ما اعرف شلون راح اتحمل اشوفه ويّ غيري يا إللهي صبرني صـارت الهوسات والهلاهل ترن بالمكان الكل فرحان بي بس محد حاسس بشعوري ، غمضت عيني ببچي وهمست ويّ روحي:\- ميخالف تحملي، تحملي لا تتنازليـن اله \.\.\. ما گدرت اتراجع او اتحمل، ما أصبر على بُعده التفتت على المكان دموعي تنزل بغزارة، وقبل لا يصعد السيارة طلعت بوجهه دموعي على خدي وحالتي حالة \.\.\. كل جسمي يرجف بس شجعت نفسي وگلت بحروف متقطعة:\- لا تتزوج \.\.\. جاوبني ببرود:\- انتِ ردتي هذا مو انا \-داتنازل الك دايسة على كرامتي ونفسي لأجل حُبي كسرتني مرة، دمرتني مرة، نهيتني مرة، لا تسويها مرة ثانية \.\. تقدم بهدوء والكل وراه، غطّى جسمه على طولي لامست اصابعه خدي ماسح دموعي، رفع عينه لعيني وجاوب:\- ما دامچ ضد الحگ انا ما اريدچ، لو دخلت لحياتچ راح تلوثيني بالظلام \. نترت إيدي بعصبية ودگات گلبي تضرب بعنف، لملمت ما تبقى من نفسي وكرامتي وشجعت روحي أكثر وگلت وانا اتراجع:\- أكرهك، أكره اليوم إلي حبيتك بي، أكره كل يوم عشته وياك، أكره نفسي لأن حبيتك، شفت ظلام الكل بس ما گدرت تشوف نقطة النور إلي بداخلي، ما شفتها برغم هي واضحة وضوح الشمس، راح ابقى اتذكر كلماتك ذني\.\.\. ما راح اسامحك أبد على كسري مرتين \-ما جبرتج على شي گلت لج اختاري بس \! \-صح الحب قوي بس انا اقوى منه، روح وتزوج وشوف حياتك حوبتي وقهري ودموعي راح تطلع بس وكتها راح تموت الف موته وتتندم بگد شعر راسك \. التفتت ردت أمشي بس وگفتني جملته:\- أرجعي أله بعده يحبچ، يمكن تبنين حياة جديدة وياه وتنسيني \.\.\. التفتت بدموعي وهزيت راسي مبتسمة بقهر:\- كل ما گلت تعوضت واخيرًا تخذلوني، قبل لا أجي گلت الهم راح ارجع وهو وياي، هو يحبني هواي وراح يفهمني \.\.\. لو راجعة جنازة الهم ولا راجعة بالفشلة هاي \. \*\*\* توقعاتكم العظيمة تهمني \.\.\. **هالمرة روايتنا MAFIA من نوع آخر 🙊🦅** أنطلق قلمي ، يخط هذهِ القصة بشغف جميع الحقوق محفوظة لي ولأناملي الشغوفة لذلك لا أستبيح السرقة بشتى طرقها اذا ما صعدت هالمرة احذفها من الكوكب هي وابطالها ومتابعيها 🙂😂 التقيكم فيها قريبًا وفقط مع خالص تحياتي وحُبي لكم ♥️ كل شي يخص الرواية والابطال بـ حسابي الأنستا للتواصل والاستفسار ولتوقعاتكم العظيمة, بس اضغطوا على النص الجوا يدخلكم للحساب 👇 [حساب الانستغرام](https://www.instagram.com/fatimalrashd?igsh=dmpodTUxcWd5NWR) الغلاف من تصميمي وأبداعي
