الكاتبة:: نرجس علي
البدايه:: 2026/7/7
روايه:: حقيقية
بنات مشاهد مخلّه الآداب مراح تلكينها بهاي روايه هاي روايه اكثريتها دين فمراح تلكين اشياء مخلّه الاداب وتمنه تعجبكم
أقرو هاي قبل الاتبدين حته تكتسبين حسنات
الباقيات صالحات
سُبْحَانَ اللَّهِ
الْحَمْدُ لِلَّهِ
لَا إِلٰهَ إِلَّا اللَّهُ
اللَّهُ أَكْبَرُ
لَا حَوْلَ وَلَا قُوَّةَ إِلَّا بِاللَّهِ
سُبْحَانَ اللَّهِ الْعَظِيمِ
سُبْحَانَ اللَّهِ وَبِحَمْدِهِ
أَسْتَغْفِرُ اللَّهَ وَأَتُوبُ إِلَيْهِ
اللَّهُمَّ صَلِّ عَلَىٰ مُحَمَّدٍ وَآلِ مُحَمَّدٍ
نبدا ايه قرأنية تحدث عن احداث الايه
﴿وَاتَّقُوا فِتْنَةً لَا تُصِيبَنَّ الَّذِينَ ظَلَمُوا مِنكُمْ خَاصَّةً ۖ وَاعْلَمُوا أَنَّ اللَّهَ شَدِيدُ الْعِقَابِ﴾سورة الأنفال: 25
══✤◈✤═══
قرية السدر
في جنوب ميسان، كانت هناك قرية صغيرة، لا يعرفها إلا من سكنها، ولا يدخلها غريب إلا بإذن رجالها.
عاشت فيها عشيرتان، يجمعهما النسب، ويفصل بينهما الكبرياء.
سنين طويلة تقاسموا الأرض، والماء، والخبز، حتى صار الناس يضربون بهم المثل في المحبة.
لكن...
كانت الأرض تسمع ما لا يسمعه البشر.
وتحفظ ما ينساه أصحابها.
ويقال إن الدم إذا سُفك فوقها... لا يجف، بل ينتظر دمًا آخر.
وفي سنة 1966...
لم يكن الخلاف على قطعة أرض.
بل كان بداية ميثاق...
لن ينتهي إلا بعد أن يدفع الجميع ثمنه.
ومن هنا... بدأت الحكاية.
ميثاق الثأر
═══✤◈✤═══
في ميسان في قريه السدر
في عام 1959 في شهر ذو الحجه
في بيت ال عريش
~~~~
نايمه واحس صوت ديج يصيح ما هتميت الفيت بطانيه وكملت نومتي صاح مرة الثانيه بس مابيه حيل اكوم احس وحده تطكني وسحبت البطانيه مني فزيت باوع عليها طلعت نورية
نورية:: ولج كومي يله قبل الاتطلع شمس كون حنه حنه بالبستان
فضة:: اي هسه هسه
باوع على غرفه ننام بيها ارض مالتها معقره مو مسطحه حته واحد يرتاح بنومته باوع عليها راحت
كمت فركت ايدي بوجهي ورحت المطبخ غسلت وجهي وباوع بيتنه متهالك بس كبير وحلو ومبني من طين رحت طلعت من مطبخ وشفت دجاجات
ورحت يمهن اريد اخذ البيض وجتني امه ونكرتني بيدي صرخت سمعت صوت من وراي
عريش:: ها شبيج بويه
فضة:: ها جدو الله يساعدك... والله اجيت اخذ البيض وجت هاي نكرتني بيدي
عريش:: الله يساعج بويه... مو فاهيه انتي
فضة:: ها جدو
باوع عليه وهز ايده وضحك ودخل المطبخ واني الحكته ومنزله راسي وباوت على حركت رجليه وقلدهن الحد ماتقربت يمه انتبهت على نفسي وخرت صرنه بنص مطبخ صاح جدو
عريش:: بووويه نورية تعاي جيبي البيض يله
نورية:: ها جدو اي حاضر تأمر بشي بعد
عريش:: الا بويه
راحت نورية وهوه طلع وراح من مطبخ وتوجه نحو الديوان شيوخ ضليت أتاني الحد ماجت نورية وبيدها البيض بس ايدها صايره حمره خلت البيض بسله اني رحت يم سله مديت ايدي وما احس اله نوريه طكتني على ايدي وخريتها
نورية:: هاي مو الج هاي مال جدوو
فضة:: شوفي ترة هيه وحده وجدو رادج جيبين الي مو اله
نورية:: هم ما قتنعت
فضة:: تعاي نسئل جدوو
نورية:: شنو تريدين مجزره هسه تصير يله والج خلصينه
الكفت اني بيضه وركضت وبسرعه طلعت وشعلت نار بديت اسوي بيضه وحميت جاي وشكر وخبزت شريفة خبز حار كلش وطيب وساعدتها رحيمة
كملت تكلاتها شويه كشفت سمه صارت شويه بدل سواد الى شويه بيها ضوه خلصت ورحت الغرفه طلعت ملابس وعبايتي بدلت والبست عبايتي والبنات همين البسن
رحيمة:: ها يله نطلع
نوريه:: اي
شريفه:: اوكفن بس البس عبايتي
خلصت شريفه من البس عبايتها وطلعنه والبنات عمو دحام ويانه طلعن وبنات عمي مطشر همين
يعني طلعنه فوك عشر بنات
وصلنه البستان وكان چبير كلش يعني الازم يشتغلن بيه بنات عشيره يله يخلص بس حنه كنه شاطرين رحت اني احوش طماطه وبنات كلمن وراحت تحوش شغله
حشت فوك سلتين چبار وخليتهن يمي رفعت العبايه والفيتها على ايدي وكعددت انتظر يمته تجي دليلة
شفتها اجت هيه وبنات عمها چبير وعمها وسطاني
رحت الها اركض وتعثرت وطحت على وجهي
رحيمه:: اي هاي كله من وره دليلة
شريفه:: اي والله
كمت نكتت روحي وباوعت عليهن بنصف نظره ودرت وجهي اجت دليلة تركض الي
دليلة:: ها شموازيج تركضين هاا
فضة:: علمودج
حضنتني وخرت بسرعه نوب كضت وجهي بثنين ديها تتفحصني
فضة:: شبيج كلشي مابيه
دليلة:: اي بس خاف عليج انتي غير نفسي... صدك ليش بارحه ماجيتينه ها
فضة:: ها يالحبيبه عذريني غير تعبتت ماجيتج
دليلة:: ها ياللهوه كون بيه والابيج تعب يروحتي
فضة:: الا والج غير اموت اذا صار بيج شي
رحيمه:: دكافي ويله شتغلن
شريف:: الا والج خلي يكملن عجبني
نورية:: بس اخلص وتجي وحده وتكلي تعاي ساعديني اخلي سلات براسها وتوديهن ويها واني ساعدهة
دليلة:: يله معا سلامه اول ماتخلصين تعاي ساعديني وحته نروح سويه
فرحت اني النو دليلة هي اختي من طفوله صدك ماتعودلي بس اني احسبها مثل اختي
رحت اكمل حوش طماطه وخلصت كلشي رحت شلتهن وحد بيدي اليسره والثانيه باليمنه وركضت اخليهن بمخزن فتحتت الباب ودخلت خليتهن وطلعت
النو الزلم هيه تبيعهن چانت مايخلون نسوان الي تحوش بس النو احنه اهل خلونه حنه الي نحوش نسوان
خلصت ورحت يم دليلة وساعدتها هيه تحوش خضرة وهنه يحوشن الباقي
خلصنه وشلناهن وديناهن بالمخزن وضلينه نمشي شويه بالبستان وشويه وكالت دليلة
دليلة:: يوم غداج يمنه
باوعت عليها هزيت براسي اي
دليلة:: شبيج ترة ما متعوده عليج هيج احجي صاير
فضة:: الا بس راسي يوجعني
دليلة:: اخخ منج شكم مره حجيت كلت هاا
فضة:: ديله امشي خلي نرجع
ساعدتني اكوم وكمنه نمشي والبنات بعدهن رحنه اني ويها بيت جدو سيوف وصلنه كان يشبه بيتنه تقريبا كبير وهمين يمهم بيوت مال عمامه
دخلنه وكانت بيبي بيبيتها كاعدات سويه يسون مكانيس
زكية:: ها جيتن يدهة
دليلة:: اي اجينه بيبي تحتاجين مساعده
زكية:: اي والله تعالن هاجن وخلي نروح حنه نرتاج
عود شارده اني من شغل وهاي جايبتني اشتغل
كامن وحنه كعدنه چان سعف يمنه بدينه نسوي بيه بس هوه يجرح خلصنه ايدي بيها جروح هيه همين
خذينه مكانيس وديناهن بغرفه وشلنه زباله ورحنه نحركهن
خليناهن بمكان الي هوه نحرك ببه زباله بدينه نحركن ودخلنه جوة جانت امهَ تخبز خطيه ستوة باديه تخبز اني ودليلة رحنه وكفنه يمهة وكلت
ــــــــ عمه عوفي بيدج واني ودليلة نخبز
خضرة:: الا يمه اني كملهن
دليلة:: يمه دعوفيهن احنه نخبز
عافتهن بديت اني اخبز وهيه تطلع من تنور طين
...
────❖◇❖────
كعدت ساعه بسته صبح باوع يمنه هذا سلمان بعده نايم باوعت ولد كلها نايمة خطيه بارحه جدي خلاهم يحوشون بدل نسوان كمت طلعت من غرفه
ورحت المطبخ غسلت وجهي وطلعت بوجهي دليلة
هادي:: خويه سويلي ريوك حته نطلع يله وكعديهم وياج
دليلة:: اي خويه هسه
راحت واني رحت الديوان دخلت وشفت بيه جدي وعمامي وابوي
هادي:: صباح الخير
سيوف:: صباح نور يله ترة ماضل شي على محرم يوم تطلعون مغربيه تدورون هلال
دخل سلمان ورايه وضحك وخله يده على كتفي وكال
ـــــــ اي جدي هوة قبل الا تكول هوه هادي راد يدوره
نصدمت باوعت عليه اذكر يمته كلت هيج ضحكو كل وكال جدي
سيوف:: اي هوه يدورة وحده
سلمان:: اي جدي
باوعت عليه بحقد كعدتت يم جدي وخليت ايدي على رجله وكلت
ــــــ اي جدي اني كلت هيج ولد همين رادو يدورون وياي
بتسمت وباوعت على سلمان بسرعه نصدم من وجه عرفت
سيوف:: هاهيه انتم كلكم تدورونه فهمتو
الكل/تمام
كعدنه شويه وجابو ريوك وجو ولد ورحنه حنه البستان ورحنه المخزن حته ناخذ خضوات الي حاشنهن بنات
ورحنه نصعدهن وجهز سلمان حمار حشاكم وربط بيه من وره حمواله صانعينها من خشب وحنه خلينه محصود مالت يوم حته نبيعه صعدت اني جاسب ابن عمي دحام
وخذ هوة الي يمشي بحمار مشينه وره ساعه يله وصلنه المدينه نزلنه صفينه كلنه وبدينه نبيع بيهن
سلمان:: اهوو شكد اكرة شغل
جاسب:: دشتغل
خزعل:: سلمان هيوو سلمان باع
باوعت على سلمان التفت اله وراح جره خزعل من يده ومشو حسابه مترين وخرو منه وكامو يحجون مادري شبيهم هذوله بس اذا حجو سويه يعني وراهم مصيبه عفتهم و كملت ابيع اني وجاسب وخلصنه وهمه همين خلصو
صار جو حار كلش رحت خذيت سطله الي النه بيها ماي شربت وذبيت باقي على راسي ما حس اله واحد الاكف طاسه من يدي
باوعت هذا خزعل ماخذها وظال يباوع نوب باوع عليه وصاح
ــــــــ شبيك انته هسه شلون اشرب ماي هااا
سلمان:: كافي يله
ــــــــ كافي انته شنو صاير اله مدافع ها
باوعت عليه هزيت راسي حته اوخر ماي النو كان ينقط عليه و نگع ملابس ِ رحت يمه وكالت
ـــــــ شبيك ترة انته مو من عوايدك صيح ترة عرف تريدون سون بيه مصيبه فوخرو مني النو بس اكضكم اشبعكم كتل فچفو شري
باوع سلمان اله وخذاه مشو صعدو بس عربانه مالتهم واني وجاسم صعدنه بعربانه مالتنه مشينه وصلنه يم نهر كان حلو شكله بس الجو حار كلش
خليت وصله على راسي وهمين جاسب خله وصله على راسه وكملنه طريق...
═══✤◈✤═══
في مكان اخر يم نهال
نهال:: كعدتت صبح وبديت اسوي شغل الي عليه
مثل خبز وغسل ملابس وبنات مرات يحوشن ومرات يغسلن ماعين
رحت يم تنور طين كان دليلة كاعده من صبح
دليلة:: صباح خير والج بسرعه اجه هادي ويريد ريوك وجدي وعمامي هناك والج يله
رحت دولجت عجين سويتهن دواير خليتهن بصينه
ورحت خليتهن بصفحه و شلغت نار وبديت تاني الحد ما يحمه حمه ونار ودخان اليفوك كامن عيوني يوجعني بس ماكدر هذا شغلي متعوده عليه
بديت بأول كرصة خبر طبطبيتها وبديت اخبزها وخليتها بتنور نوب ثانيه والثالثه الحد ما سويت عدد خبز الي حنه متعودين دامن نخبزه 30 مرات 35 كرصة خبز رحت دخلت بنات ستوهن كعدن واني خليت خبز بكاع وشفت شمسةكاعد هيه وحده من بنات يسون ريوك رحت كعددت بكاع مسحت وجهي
وتانيتهن يمته يخلصن حته اكل نوب اروح اغسل ملابس اني وبنات وقسم يروحن يحوشن وقسم يروحن يغسلن ماعين
كملن ريوك ورحنه نتريك حنه بنات وكملنه راح بنات نصهن يشيلن ماعين ونص راحن يلبسن عبيهن حته يروحن يحوشن واني و شمسة رحنه نغسل مواعين مالة الّيل وصبح
ورحنه نلبس عبينه و والبسناهن وخلصنه وكمنه نطلع من بيت بس نحس ناسين شي نباوع على ايدنه ماكو ملابس دخلت بسرعه شمسة وراحت جابت ملابس واجت تركض مخليتهن بطاسه چبيرة كلش
رحنه حنه وبنات يم شط ونصهن يغسلن مواعين واني وشمسة نغسل ملابس خلصنه غسلهن وساعدنه بنات ورجعنه البيت والكينه دليلة و فضة سلمت عليهن والتمينه وخطيه جدتي مخليتهن يسون مكانيس وخابزات بدل عمتي كعدنه حنه وعماتي يسون اكل كعدنه وحده تضفر الثانيه شعرها ونضحك وناسين دنية
ودليلة فضة مستحيل تلكينهن مايسولفن كل شويه وفتحن مضوع جديد حته يكملن سوالفهن خالصت عماتي الاكل وكل التم على سفره حنه نسوان وزلم بديوان يوم زلم تروح تشوف يمته يطلع الهلال
وتغدينه وتانينه مغرب يجي وطلعو والد يدورون الهلال وشويه وصاحو
ــــــــــ باجر محرممم باجررر
ونسوان كامن يجهزن اول يوم محرم صدك كانت قليل مستشيعه كمنه نسوي اجواء محرم وجهزنه كلشي وجدو عريش هوة الي راح يقرة هل سنه
وباليل وره عشه صارت هوسات والد الى الائمه (ع) وحنه نجهز منو تلطم هل سنه وكل تفق نو نسمع الاصوات نوب نختار...
═══✤◈✤═══
فضة
رجعت البيت وجو حار يعني الغدة ماضليت رجعت الاهلي وباليل نسمع والد يهوسون ويكلون
ــــــــ باجررر محررمم باجررر
جهزت ملابس سود مالتنه وخليتهم بكاع حته باجر البسهم وكعدت ثاتي يوم البستهن وكعدتت صبحت عليهم واسمع نورية
ــــــ اي صلاوات على نبي اول مرة تكعد من وحدهة
فضة:: دسكتي والي من وجهي
رحت يم بيبي ستعرض يمه ملابسي وهيه تسللك الي
ــــــ اي يخبلل يچنن عليج يدة
خجلت وجن بنات يضحكن عليه ويكولن
شريفه:: يوم عرسج ان شاء الله
رحيمة:: ان شاء الله
فضة:: اي تريدن تفتكن مني مو
حجت بيبي كالت
ــــــــ يله امشن اشتغلن يله
رحنه كلمن شغلها واني ضليت افتر بالبيت اذكر شلون جدي وبيبي وعماتي وعماني ربوني ما حسسوني اني يتيمه ابد والامره اجه الّيل وبدينه نسوي عزاء مال نسوان وعزاء مال زلم زلم مجمعين كلهم وحنه نروح يم بيت جدو سيوف
رحنه نبدل ونلبس عبينه وكملنه وطلعنه مجموعات رحت اني ورحيمة وشريفة ونورية ب بدايه ورانه باقي يجي وصلنه كانت جدة زگية هيه الي تقرة النه وحنه نلطم
بدينه نكعد ونسوان تجي وحد وحده ومجموعات محد غريب بس حنه مجودين كمنه نلطم وجدة زگية هيه الي تقرة وحنه نلطم وخلصت وچانت خنكه فه طلعت من البيت الحوش اشتم الهواء وطلعت وياي دليلة
طلعنه ونسمع واحد يلطم وصوته كلش حلو وعرفنه انو جدو جاي يلطم وصوته كلش حلو ضلينه كاعدين بره وهوه مكمل بالطميه
يَا حُسَيْنْ بِضَمَايِرْنَا
صَحْنَهْ بِيكْ آمِنَهْ
لَا صِيحَةْ عَوَاطِفْ هَايْ
لَا دَعْوَهْ وَمُجَرَّدْ رَأْيْ
هَذْنِي مِنْ مَبَادِئْنَهْ
صَحْنَهْ بِيكْ آمِنَهْ
هوه كلما يقرة ويجي دور الصحنه بيك امنه كلها تحجي وياه وحنه مدمجين وبدينه نقرة وياهم انفتح باب حوش ودخل هادي بسرعه الفيت عبايه على وجهي وخطيه دليلة همين تخاف منه
دخل باوع علينه ونزل عيونه وكال
ــــــــ اسف خويه ماچنت ادري بيچن هنانه عذرني خويه
سكتت شويه نوب استحي شحجي كلت اله
ـــــــ عادي مصار شي خويه
راح طلع ودليلة باوعت عليه وكالت
ـــــــ امشي خلي نرجع يم نسوان
وصدك رجعنه يمهن وبدينه نلطم...
═══✤◈✤═══
هادي
جان جدي عريش يقرة وحنه نلطم ونردد وياه الكلمه صحنه بيك امنه عطشت وياي والد همين عطشو فكلت
ـــــــ اروح اجيب ماي وارجع وياكم
خزعل:: جيبلي وياك
سلمان:: اني همين اريد ماييي
جاسب:: جيبلي وياك عضيدي انته عوف هذولي
ضحكت وكلت
ــــــــ دكافي تلوكون اني اجيب الكم
رحت همه ضلو يحجون مادري شنو يحجون ف مهم
رحت البيت اول ماوصلت سمعت بنات ثنين عبالي نهال ودليلة
فتحت باب والكه وحده كله سواد عتذرت منها وطلعت
حسبت منا العشرين ورجعت فتحته مره ثانيه ماكو عرفت ف رحت جبت الماي و رجعت الولد ونطيتم ماي وضل يكمل جدي عريش يقرة نوب خلص وبده جدي ينطينه نصائح على دينه والازم نتبع هل بيت (عليهم سلام ) كمل يحجي وحنه نسمعه
خلصنه ونسوان بعدهن يلطمن سوينه كعده مال شباب وضلينه نسولف ونضحك على فلان وعلان
واخر شي كال جدي
ــــ دبطلو الا هسه گطعگم بخيزرانه
سكتنه كلنه ضلينه نحچي بعيونه وحواچبنه النو كلنه نخاف من خيزرانه تكون متينه وصلبه وكبيره بحيث المن يضر ضهر ورجلين مچرب شعور اني وسلمان والولد كلنه النو چنه وكحين كلش فه ضربونه بيها بس توجع كلش
حجه جدي عريش وكال
ـــــــــ اكللك خويه سيوف هاي الگاع الي شترينها اني وانته بنص طلعت ثمار مالتها خلي والد باجر يحوشونهة
سيوف:: اي خويه والله اني هم فكرة هيج اخلي والد يحوشون النو هيه كبيره
ــــــــ اي والله النو بنات يتعبن بيها
سلمان:: وحنه شنو
سيوف:: مطايه بس تبيعون
كلنه ضحكنه عليه باوع علينه واشر وكال
ــــــــ شبيكم ترة انتو وياي همين مطايه
خزعل:: الا هوة كال بس انته هههه
حجه جدي عريش كال
ــــــــ احم احم ترة كال عليكم كللكم مو صدك خويه
سيوف:: غير مطايه مايفهمون
عريش:: الا خطيه تكسر بخاطرهم دشوفهم
سوه نفسه سلمان عود يبجي باوع عليه جدي سيوف وطكه بعوجيه على رجله صرخ سلمان وطفر
خزعل:: شبيك ترة انته زلمه شبيك صرخ
سلمان:: اشرفلي اصير مرة والا زلمه شو مدلليهن
خزعل:: يا مدلليهن غير مطيحين حظهن
سلمان:: بله شنو يشتغلن
باوعت عليهم وحجيت
ــــــــ يكعدن قبلنه يخبزن
جاسب:: سوللك زقنبوط
ـــــــ ينظفن بيت
جاسب:: يسون مكانيس
ـــــــ يروحن يغسلن ملابس
جاسب:: ويغسلن ماعين
ـــــــ ويحوشن
جاسب:: يودنهن الى مخزن
ــــــ ويطبخن غدة
جاسب:: ويجهزن سفرة الاكل
ـــــــ ويسون عشه
جاسب:: ماغير احنه ناسينهن وكل هذة وانته تكول شنو يشتغلن
سلمان:: اححح كل هذني واني مادري
خزعل:: كللكم شبسرعه دبرتو چلام
جاسب:: اني وروح بعد شلون ماندبر چلام
حجه جدي عريش
ــــــــ يله كلمن البيته يطش
وصدك بعد كلام جدادنه كلنه نكول حاضر ورجعنه كلمن البيتنه ونسوان ماكو شفت دليلة اشرتلها بيدي واجت ترجف باوعت على ايده ترجف رفعت ايدي خليتها على راسي هاي بسرعه خلت ايدها على وجها وتبجي وتكول
دليلة:: والله بعد مانعيدها فدوه الاتكول جدي عليك الحسين والله العظيم مانعيدها فدوه الاتكول جدي
باوعت عليها مكمله كلامها وتبجي خليت ايدي على كتفها وكلت
ــــــــ شبيج يروح اخوج شمالج تبجبجين
دليلة:: يعني ما راح تكول جدي
ـــــــ شبيج ماكللهم وصوج بيه بس بعد اذا الكيجن طالعات اكسر رجليجن فهمتي
مسحت دموعها رفعت راسه الي وابتسمت
دليلة:: اي خويه فتهمت
ذكرت چانت ويها بنيه ف حبيت اسئل عليها باوعت عليها وكلت
ـــــــــ منو هاي كاعده يمج ؟
دليلة:: هاي.. ها.. اي.. فضة
حجيت عليها وكلت بنتر
ـــــــ شبيج حجي عدل
دليلة:: ها اي قصدي فضة هاي كاعدة وياي
ـــــــ ها اي يله مشي روحي نامي يله
راحت تركض من يمي عباللك جني واكف يمه رحت نمت بعد اني ويا ولد...
═══✤◈✤═══
نهال
ختارينه بيبي زگية النو صوتها يجنن وما اللبنات والا وحده ختارينه منهن ضلينه نلطم وشفت فضة ودليلة طلعن ورحت وراهن بسكوت وسمعتهن يلطمن ويه صوت جدي عريش
رحت منهن وكعدتت يم شريفة باوعت شفت عمتي خضرة تبجي عبالي بالبدايه على الحسين
شريفة:: اكلج تدرين ليش عمتي خضره تبجي
درت وجهي الها وكلت
ـــــــــ تبجي على حسين قابل على منو؟
شريفة:: تظلي امداجج كلشي يصير كدامج بس انتي ثوله
نصدمت من حجيها التفتت على عمتي خضرة بعدهي تبجي ويمها عماتي ويكلها كافي
نهال:: شريفه عليج الله كوليلي شكو صاير
شريفة::دكومي قبلي الغرفه واني هسه جايتج
صدك كمت ورحت الغرفة وتانيتها تجي وشويه اجت طبت اول مطبت طفرت عليها
نهال:: يله احجي شكووو
شريفه:: سمعت عمتي خضرة تكول شنو اني مقصرة وياة وكالتها امي والله كلشي مامقصرة وياه شو نعم زوجه انتِ
نهال:: اي بعد شصار
شريفة:: كالت عمتي خضرة چا ليش يريد يزوج عليه
نهال:: هاااا كولي والله
شريفة:: وسم صوتج الايسمعنه ونخبز على ايد امي وامج
نهال:: ايي صدك چا ليش يريد يزوج عمي دحام
شريفة:: شوفي
وضلتت تلفت يمنه ويسره وباوعت على باب وتقربت مني وهمست
ــــــ شايف وحده من قريه فلانيه
نهال:: اي
شريفة:: بس مطلگه وعدها ثنين جهال
نهال:: عزززه يمه يريد يجيب عمي مطلگه والا فوكاها عدها ثنين جهال
شريفة:: سكتي والج راح نفضح
نهال:: چا والله الا بقه بالبيت اروح يم عمتي حميدة
شريفة:: عمتج هاي مو مزوجه سيد
نهال:: اي
شريفة:: من بخت امجج العلويه
نهال:: دولي ذيج امي روحي منها طلبي مرادج
شريفة:: غير انتِ بتهة
نهال:: ربي ان شاء الله تزوجين
شريفة:: دنجبي كتلج ادعيلي
نهال:: دعيتلج تزوجين
شريفه:: امداج
وطلعت هاي رحت اني وشفت فضة ودليلة كاعدات يم نسوان كلبي كام يحوسس الازم احجيها
راحن نسوان وكمنه نلم غراض وكملنه وراحت فضة ودليلة كامت تساعدني ماتدري ابوها راح يزوج وحده مطلكه
رحت بعد ماخلصنه الغرفه وهيه ضلت تحوس بالبيت غفيت بس شويه دخلت تركض وخايفه وشويه مرسومه على زجها بتسامه خفيفه
نهال:: شبيج دليلة
دليلة:: ها.. الا.. كلشي ماكو.. نامي
نهال:: تتعاي احجيلج شي
دليلة:: خير شكوو
نهال:: شوفي سمعت بس بعدنه مامتكدين
دليلة:: دحجي
نهال:: شوفي سمعت وحدة من بنات حجتلي وكالت عمي الي هوة ابوج راح يزوجج
دليلة:: جذابه
نهال:: وحق العباس
دليلة:: يمه امي تدري
نهال:: اي وكايمه تبجي ماشفتي عماتي ملتمات عليها
دليلة:: شفتهن بس عبالي يبجن على الحسين
نهال:: انتِ فاهيه مثلي
دليلة:: اششش يله نامي ترة هادي كاعد
نهال:: يمه هادي
دليلة:: اي
بسرعه سحبت بطانيه والفيت راسي ونمت وهيه همين نامت...
كعدنه صبح على صياح عمتي خضرة وعمي
وامي تهدي بيهم
عمي دحام:: وقسماً وعظماً الله اخذ عليج وفنج اذا فكيتي حلكج فتهمتي
خضرة:: شنو مقصرة وياك حته تاخذ عليه هااا
حامد:: مامقصره بس اني مليت منج اريد ازوج
خضرة:: هاااا والله تطلكني يله عود تزوجها شنو تجي وبنفس بيت اني ويها
حامد:: اطلكج وتزوجهة
خضرة:: طلكني يله
حامد:: انتِ طالك طالك طالك
كامت تبجي عمتي وحنه مصدومين ودليلة كامت تبجي
خضرة:: جهال اني اخذهم
حامد:: مايرحون فتهمتي ماتاخذينم يبقون يمي
طلعت دليلة تركض يم امها وتكول
ـــــــ الا اني اروح ويه امي
حامد:: اذا طلعتي اكسر رجليج فهمتي
دليلة:: معليه اروح ويه امي اني
حامد:: شوفي مو شوفين نفسج انتي البنيه الوحيدة ومدللج والله العظيم اذا خطيتي خطوة من البيت اكسرهن الرجليج فتهمتيييي
صاح عمي عليها وهيه بجت وامها همست بذانها مادري شكالت وراحت عمتي البست عبايتها وطلعت
كل نصدم بس محد يكدر يعارض عمو حامد النو كبير اخوانه كلهم وهوة الي راح يستلم مشيخه بعد جدي سيوف فمحد يحاجيه
راحت دليلة طبيعية والا كنو صار شي قبل شويه كمت سوي شغل عليه...
═══✤◈✤═══
فضة
كعدت صبح لوحدي وقبل كل ساعه باربعه وجاني شعور فرح كلش حلو كعدتت خبزت وخلصت واني شايله خبز حار كلش ونجوت ايدي كاظته واركض
سريعع
مانتبه اله واني مصدومه بشخص وكعت بس كضيت خبز خاف يوگع بالكاع ومحد يتكله ويصير بيه تراب
رفعت راسي واكف جدي سيوف كدامي وكاض خيزرانه مالته خفت وكمت بسرعه من الگاع
سيوف:: وين جدج
فضة:: هااا
حجه بصوت عالي وبنتر علي
سيوف:: وين جدجج
اول مرة جدي سيوف يحجي بعصبيه وكاض خيزرانه ويرجف خفت خاف صاير شي بالولد
ومحد يدري بسرعه كتله
ـــــــ نايم جدييي
سيوف:: كومي كعديي وكليله اني بديوان
ـــــــــ حاضر جدوو
راح واني بسرعه طفرت المطبخ وركضت الغرفه جدوو شفته نايم رحت يم راسه ومسحت بيدي على شعره ودنكت راسي وكالت
ـــــ عريش يا عريش صاحبك الا خوك سيوف كاعد بالاستقبال ويريدك
فتح جديي عيونه وباوعلي وبتسم وكال
ــــــ اشوف بيج ملامح وجه ابوج حته نفس طريقه حجيه ذكرتيني بيه الله يرحمه
باوعت عليه ودمعن عيوني بس كلشي والا بجي كدام جدوو وطلع اني مو مثل ابوي تحمحمت وكلت
ـــــــ يله كوم جدوو ينتضرك ومعصب مادري شبيه
كام والبس عكاله واني طلعت ورحت المطبخ تانيه
يمته يجي اجه وكان كاشخ اخر كشخة باوعت عليه بسرعه رحت يمه وخذيت ايدة وبستها وخليتها على راسي
كام يباوعلي خله ايدة على راسي وكال
ـــــــــ عبالي بس شبهين ابوج طلعتي شبهين امج الله يرحمهم
فضة:: الله يرحمهم يله جدوو روح الديوان
راح وكعدو والد وراحو الديوان واني رحت كعدتت بنات وكعدت نورية
نورية:: اللهم صلي على محمد وآل محمد اول مرة تكعدين من وكت
فضة:: خايب غير فرحه شتكه حلكي اليوم وكعدتت قبل كل
نوريه:: الله يستر من فرحج
فضة:: مداج يله كومي سوي ريوك الكم
نورية:: اي اي هسه
كامت وشفت نسوان كعدن رحت المطبخ وسمعنه صايح وجو والد يركضون بس مو والدنه الا والاد جدوو سيوفف اجو يركضون
شويه وجه رحيم وكال
ـــــــ الاسون ريوك فهمتن
نورية:: ليش
رحيم:: الاسوين هاهيه
وطلعو يركضوون...
