صدفه

في وسط حي راقي نروح لبطلتنا عشق كانت نايمه جاسر: قومي يا كلبه البحر هتتأخري على محاضرتك عشق: لا رد جاسر: مستناش وجاب كوبايه مايه ورماه عليها عشق: الحقوووووووني انا بغرق ياا جاا بعد ما استوعبت عرفت ان اخوها عمل كده عشان يصحيها بقا تعمل فيا انا كده وجريت وراه وعضته جاسر: يا بنت العضاضه انا غلطان اني بصحيكي عشق: حد قالك صحيني يا بغل انت جاسر: نعممم ياختي امال مين اللي قاللي امبارح بليل صحيني عشان عندي زفت محاضره بكره امي عشق: ولد عيب احترم نفسك انا داخله الحمام البس بسرعه ها انجز مش زي كل مره تأخرتي جاسر: يا بنتي ارحميييني انتي بتعدي ساعتين في الحمام وبعدين تخشي تلبسي وتجهزي ساعتين تانين انا برضه اللي بتأخر عشق: الله مبقاش قمر يعني مع أني قمر من غير حاجه وبعدين انت اللي بتعطلني اهو جاسر: انا اسف ياختي اخلصي هتأخر عشق: اووكي تليفون عشق بيرن جاسر: انتي ياخريه تليفونك صدعني عشق: ولااا وسع من قدامي عاووزه ارد وبعدين موبيلي يرن زي ما هو عاوز فاهم وعملت صباعها في وشه المفروض انها بتشب عشان توصل لوشه اصلا جاسر: ياختي اتنيلي وانتي مش طيلاه كتفي اصلا عشق: لا تعليق عشق شافت مين اللي كانت بتتصل وشافت ان مريم اتصلت بيها كتير جدا راحت اتصلت بيها مريم بصوت عالي: انتي يا زفته الطين انتي فين المحاضره هتبتدي خلاص عشر دقايق يا عشق وتكوني عندي فاااهمه عشق: استهدي بالله يا حاجه مش نص ساعه اللي اتأخرتها يعني وبعدين قربت اخلص سلام وقبل ما تسمع الرد قفلت عشان عارفه انها هتتعصب عليها عشق خلصت لبس وجهزت وكانت لابسه وكانت الصراحه حاجه قمره وكانت لامه شعرها بس سايبه خصلات نازله على وشها وحاطت ميكب خفيف خلاها قمرين طلعت بره عشق بغرور مصطتنع: عارفه من غير ما تقول قمر 😎😌 جاسر: اي الغرور ده يبت ياختي اتنيلي عشق: ده مش غرور ده ثقه😎 جاسر: طب يلا يا عم الواثق نلحق محاضرتك والحق شغلي بدل ما نتنفخ عشق: سوري بس عشق عمرها ما هيحصلها حاجه جاسر كان هيقلع الجزمه ويضربها عشق: وعلى ايه يا عمنا سامو عليكوا وجريت جاسر: عدل الياقه وقال: ناس مبتجيش غير بالعين الحمره 😏 .................................................................. عند بطلنا زين في القصر في غرفه زين الكبيره فيها حمام وغرفه ملابس بتاعته وباللون الاسود صحي من النوم ودخل الحمام وخد شاور ولبس بدلته اللي بتتكون من قميص ابيض وچاكت وبنطلون اسود ولبس ساعته الفاخمه سرح شعره وحط برفانه المشهور ونزل بطلته الجامده لقاه اخته قاعده مستنياه اول ما شافته فرح صفرت وقالت: اي الحلاوه والطعامه والجمال ده عارف لو انت مش اخويا كنت اتجوزتك اه والله زين بصلها وابتسم ابتسامه خفيفه وغرور مصطتنع معاها وقال: طول عمري فرح: اعتبر ده غرورو ولا واثق من نفسك زين: غرور طبعا 😹 عملاه ايه في الجامعه بتاعتك فرح: زي الفل متقلقش انا مسيطره زين: ماشي يا مسيطر انت 😹 فرح: زين ممكن اطلب طلب زين: قولي يا حبيبتي عاوزه ايه فرح: عوزاك توصلني الجامعه زين:طب ما عندك السواق يا بنتي فرح: مهو الصراحه انتي لما بتوديني بتبقا ليها طعم تاني خالص الصراحه والبنات اول ما بيشوفوك في الجامعه بيتجننوا عليك ممكن ها عشان خاطري ها ها زين زين زين: خلاااص هوديكي يا رغاايه فرح قامت واتطنطت وقالت:هييييه هيييه هييه زين هيوديني يااس زين: قولت مجنونه محدش صدقني .......................................................... وصلت بطلتنا الجامعه ونزلت من العربيه وراحت لصحبتها مريم: كل ده تأخير احمدي ربنا ان الدكتور لسه مجاش لحسن كان هيولع فيكي عشق: احلفي! اول مره يتأخر بس احسن يا شيخه ده دكتور بارد وتنك يعني حاجه استغفر الله العظيم يارب مريم: يا بنتي هو انتي مبتعديش يومك غير بتنمر على الناس ويلا عشان هنتأخر عشق: يا بنتي دي هوايه عندي يلا .............................................................. فرح وصلت وكانت فخوره بأخوها ودخلت القاعه وراحت المحاضره علطول وقعدت جمب بنتين دخل الدكتور الدكتور: احم هدووء لو سمحتوا دلوقتي جيه دكتور بدالي عشان خلاص انا طلعت على المعاش هو اللي هيشرح مكاني اسمه دكتور ادم اتفضل يا دكتور ادم ادم دخل في اللي اعجب بوسامته وفي اللي مصدوم وفي اللي ارتاح من الدكتور اللي مشي فرح: مش معقول ادم! عشق سمعتها وهي ومريم اللي كانوا قعدين عشق: انتي تعرفي؟ فرح: ها اه ده اخو صحبي الانتيم وعارفني بليز متقوليش لحد عشان مش بحب الوسطى وكده عشق: اوكي سرك في بير غويط وعرفت نفسها هي ومريم ادم: انا دكتور ادم هشرحلكوا الماده بدل الدكتور اللي مشي ممكن اتعرف على حضرتكوا مكنش واخد باله من فرح جه وقت فرح تعرف نفسها وكانت مكسوفه عشان دي من طبعتها بتكسف من اي حد شافها اتصدم بس مبينش وعشق عرفت عن نفسها اول ما جه عند مريم بصلها وشاف جمالها وسرح فيها وحس بأحساس غريب بس طنش ومريم نفس الكلام بس طنشت فضلت المحاضره كلها متبعاه ............................................................ في شركات الجارحي يدخل بطلنا زين ولكوا ان تتخيلوا وسلوموشن وهو ماشي بغرور وحاطط نضرته والبنات بصاله دخل المكتب وكأنها يا باشه اوضتين في مكتب متسألونيش ازاي السكرتيره دخلت وطبعا متوقعين انها لبسها قصير بس هي بنت منقبه ومحترمه جداا وكانت باصه في الأرض زين بهدوء: مازن جه ميار: ايوه يا فندم وبعت لحضرتك الملف ده زين: تمام خلي يجي وطبعا دخل علطول ولسه هيتكلم لقاه ميار واقفه زين: طب روحي انتي مازن قعد طبعا وحط رجلي على الترابيزه اللي قدامه: اهلا بالامبراطور دي مواعيد اتأخرت دقيقه زين ببرود: نزل رجلك ده اولا ثانيا بقى قولت لجانابك احنا في شغل متقوليش امبراطور تاني هنا فاهم قال جملته الأخيره بعصبيه مازن: حاضر ياعم زين: خلصت الملف مازن: اه وبدأوا في الشغل .............................................................. المحاضره خلصت والبنات خدوا ارقام بعض وبعديها كل واحد روح بيته وعملوا جروب مع بعض وقعدوا يتكلموا عليه على الواتس عشق: الحمدلله ان الدكتور مشي وطلع على المعاش وجيه بداله دكتور ادم شرحه زي العسل مش الدكتور التاني فرح: اه والله يا بنتي معاكي حق عشق: الا قوليلي فرح احنا يا بنتي مكناش بنلاحظك خالص كده ليه اناومريم فرح: كنت بقعد وره يا بنتي ومكنتش بحب اخطلط بالناس اووي وعندي اي صحبتي اللي عارفاها في كليه السن هبقا اعرفكوا عليها عشق: اشطا نتعرف ونكون اربع حزب واحد وفريق واحد ويحيا العدل مريم: لتكونيش مفكره نفسك هتحاربي يا بت عشق: دايما منزله معنوياتي مريم: اي ده هو انتي عندك معنويات زينا وكده مكنتش اعرف خالص تصدقي وفضلوا يتكلموا طول اليوم ويهزروا لحد ما ناموا تاني يوم جاسر: مهو مش كل يوم في أم البهدله دي بجد انتي معندكيش احساس يجبله يا عشق: وربنا صحييييت خلااااص ايه برابنط جاسر مصدوم: انتي صحيتي ولوحدك وبدري وبتقوليلي انا الكلام ده عشق: هو من ناحبه اني صحيت لوحدي فالصراحه لأ مريم اللي صحتني والكلام اللي قولته من شويه ده اه ليك وطلعت لسانها وجريت جاسرطلع يجري وراها: انتي يا بنت ال عشق: اشتم اشتم مهو انت متربتش اشتم جاسر: مين ده اللي مترباش ده انتي مشوفتيش بربع جنيه مخروم تربيه مهو العيب عليا عشق ببراده: طب كويس ان انت عارف ويلا عشان توصلني هتأخر جاسر: لا مهو يا تاخدها يا تاخدني صبرني يارب عشق: يارب ياخويا وصلت عشق الجامعه جاسر: ياكشي يطمر ياختي عشق: لأ مسمحلش انا عندي احساس وبقدر تعبك وبيطمر علفكره جاسر: لأ مهو واضح 😹 عشق: باي عشان الحق المحاضره جاسر: سلام ياختي ......................................................... زين دخل الشركه بطلته الجامده طبعا زين: مازن او ادم جم ميار: ايوه يا فندم جم وكل واحد في مكتبه زين: اندهملي ميار حاضر يا فندم وراحت ندهتهم مازن: سامو عليكوا طلبتنا يعني زين هو باصص على ادم: يعني بذمتك ده واحد شغال في شركه محترمه وكمان يعتبر الضلع الثالث بتاعنا ادم: الصراحه لأ انا بقول اطرده مازن: بقا كده يعني مريووو وملحقش يكمل وحط ايده على بقا ادم: ههه انت عارف مازن بيحب يهزر زين: وانا اصدقت دلوقتي هه شيل ايدك واحكي من نفسك يلا مازن: اللهي يبارك انت اللي نصفني وياا زين: باااس اي يلا مبتفصلش مازن: حاضر يا امبراطور ادم: طينتها اكتر يا غبييي مازن: ههه طب اسيبكوا انا بقى وكان هيمشي زين: احكي مين مريم دي مازن: دي يا سيدي واحده من الطلاب اللي كان بيشرحلهوم المحاضره من اول ماشافها هييح سرح في جمالها ونبره صوتها وعيونها ادم: ما تتلم يلا في ايه لاحظ ان انت بتعاكسها قدامي مازن: مش بحكي اللي حكيته محكيش يعني الله لو مش عجبك طلقني ادم قام ضربه في وشه مازن: يا بختك يا مازن وقعت في ايد اتنين محدش طيلهم يا بختك المنيل امشي ازاي بوشي ده كنت قمر دلوقتي مبقتش حاجه زين: بااااس الله يخربيتك خليني اتكلم وبص لأدم يعني انت دلوقتي عاوز اي منها ادم: انااا خاللص انا اعجبت بيها عادي يومين وهنساها مازن: مش هتنساها مفيش حاجه اسمها كده ما دام اعجبت بيها وخلاص حبتها مش هتقدر ادم: ده ليه ان شاء الله وبعدين محبتهاش مازن: بكره تقول اني معايا حق زين: مازن معاه حق يا ادم ما دام اعجبت بيها وومكن تتطور وتوصل انك تحبها ادم: ان شاء الله انا رايح اشتغل مازن: خدني معاك يا بني ونبي جم يمشوا لقوا ميار دخله عليهم وبتقولهم مصيبه ...................................................... عشق: اهلا اهلا بالواطين اللي كلوا من غيري مريم: الله وانا مالي يا لمبي مش انتي اللي اتأخرتي فرح: مريم اللي قالتلي مليش دعوه عشق: بقا كده تبعيني يا مريم خلصانه هردهالك وجيه تقوم علشان تروح تجيب اكل خبطت في واحد ووقع عليها الحاجه الشاب: مش تفتحي يا حماره عشق بعصبيه: يعني غلطان وبجح وموقع عليا الحاجه وتشتمني ده انت يومك مش معدي يا متخلف انت مريم: اعتذر حاالا والا فرح: والا هتندم على اليوم اللي اتولدت فيه الشاب: اه ده انتوا عصابه بقا مش خالد المنصوري اللي يحصل فيه كده انتوا متعرفوش انا ابن مين عشق: ااااه انت بتاع انا ابن مين وكده طب انا بقا هخليك تعتذر بقا وقدام الكليه كلها ولو معتذرتش هخلي يومك مطين فرح: لو انت ابن مين انت متعرفش انا اخت مين مريم: طب انا اعمل اي دلوقتي اقول اي احم ولاااا اعتذر الامن جيه على صوتهم وخدهم ووداهم عند العميد وراح بص عليهم وضربهم وراحوا عند العميد وشاف منظرهم العميد اول ما شاف خالد وقف احتراما عشان عارف ابوه مين العميد: خالد بيه اتفضل يا فندم خالد بص عليهم باستهزاء: انا مش هعد التلاته دول يترفدوا فرح بتعيط هي ومريم وعشق مش بترضى تعيط قدام حد بتحسه ضعف عشق: نعم يا اخويااا رفض اي السواق بتاع فرح شاف المنظر ده معرفش يعمل ايه واتصل على سكرتيره زين وقالها اللي حصل ................................................... وبكده البارت خلص ياريت يكون عجبكوا ودي اول روايه ليا اعملولي شير كتير بقا ودلعوني تفتكروا زين هيعمل اي؟ وعشق هتسكت؟ وهل العلاقه دي هتستمر ولا لأ؟ وجاسر هيعمل ايه لما يعرف اللي حصل؟ زين وعشق اول ما يتقابلوا هيتخانقوا هيعجبوا ببعضعشق هتشكر زين ولا لأ؟ ولا القدر ليه كلام تاني؟ اشوفكوا البارت الجاي يا قمامير سلمى احمد ♥