والان اقدم لكم ملكة جمال مصر جميلة الدمياطي.
جميلة: انا المفروض اكون جايه واكون كاتبه كلام جميل عشان أشكركم لجنة التحكيم واشكركم بس انا معملتش لان انا عارفه ان الكلام اللى هقوله لازم يكون جاى من القلب ويوصل للقلب مش كلام منسق ومكتوب عشان اشكركم انا لازم اقول كلامى من القلب عشان اوصله ليكم فانا طبعا لازم اشكر لجنة التحكيم واشكركم وانا مش عارفه اوصف فرحتى ليكم بس انا مش عارفه اوصف فرحتى واد ايه انا فرحانه ومش عارفه اوصف اد ايه انا فرحانه ان بابا محمد الدمياطي وماما فريدة الاناضولى ملك وملكة جمال اسكندرية انهم اد ايه تعبو عشان يخلوني للى انا فيه ومش عارفه اقول اد ايه انا مبهورة بفوزى وشكرا لسعة صدركم .
محمد: مبروك يا عيونى بجد انا فخور بيكى .
جميلة وهى فى حضن باباها الله يبارك فيك يا اجمل اب فى الدنيا دى كلها .
فريدة: الف مليون مبروك يا اجمل من رات عينى .
جميلة وهى فى حضن مامتها الله يبارك فيكى يا اجمل ام فى الدنيا دى كلها .
محمد: ايه رايك يا عيونى بمناسبة فوزك وبقيتى ملكة جمال مصر ايه رايك نحتفل بفوزك بطريقتى انا عازكم على اكلة سمك فى مطعم بيت الاسماك .
جميلة : الله انا بحب المطعم ده اوى .
فريدة : انا موافقه على العزومه دى يلا بينا .
