كان صباح هادئ لي يالاه كطلع و هي كانت ناعسة ففراشها بحال شي ملاك شعرها مسندل فوق المخدة و كل رجل و فين مليوحة و هيا منغامسة فنعاسها حتى بدات تفيق على تعياط مها
(حكيمة) : سلمى سلمى ا سلمى ، واش نتي اول نهار ليك فالجامعة و باقة ناعسة نوضي راه مشا عليك الحال
(سلمى قفزات من نعاسها ): اااويلي ا ماما و علاش مفيقتينيش قبيلة
(حكيمة) : بقا ليا غير نبدا نجدب هنا باش نفيق الناس اما نتي موحال وا تفيقي، راه من قبيلة وانا نعيط نوضي قادي حالتك انا غنهبط نقاد الفطور
(هيا ناضت بزربة دخلات لحمام قضات حاجتها و غسلات وجها دغيا و جات خارجة تختار شنو تلبس، لبسات انسومبل فالزرق كيجي سروال و الفوق ديالوا على شكل جاكيت كلاس
فحال هادي 👇👇

مشطات شعرها لي واصل النص ف ضهرها و رطب مكتلقاش معاه موشكيل قدات صاكها بحكم اول نهار ليها فالجامعة معندها متدي دارت مكياجها فصاك و لبسات سبرديلة وخرجات كتجري مخلية مها كتعيط عليها باش تفطر )
(حكيمة) : تي اجي بعدا غير تفطري و سيري
(سلمى ) : لا لا اماما مشا عليا الحال
(هيا لي خرجات كتجري وصلات ل طريق من زهرها لقات طاكسي دغيا و ركبات و جبدات مكياجها كديرو خفيف ...)
نمشيو لبلاصة بضبط فواحد الديبوا لي كان كبير و مضلم هوا لي كان كالس هاز كاروا فيديه و كارد واقف عليه من غير وحدين اخرين لي واقفين بعاد شوية
الكارد 1: بوص سمحليا راه سي بن موسى هوا لي قال لينا حتى شي سلعة متخرجش
... :كلامي ايلا مشا حتى خرج من فمي منبغيهش ايتعاود ياك، سلعة قلت تخرج نهار السبت هيا تخرج نهار السبت
(الكارد يالاه بغا يزيد يتكلم محس غير بيه هوا لي جبد سلاحوا مخصصوا غير ليه و مطبوع عليه لقب الزعيم هوا لي تيرا فيه بلا كلمة بلا جوج جابوا كاو) شاف لي كارد لي معاه و نقز واحد منهم
(الكارد2) :بوص اش غنديروا ليه
... :هوا حرقوه حتى يولي رماد و لا لوحوه الكلاب ولا فالبحر
(الكارد ) : اوك بوص
تم خارج من داك الديبوا ل طموبيلتوا متوجه القصر ديال باه، مشا مكسيري متوقف حتى لقصر بلاصة طموبيلتوا و تم داخل باه لي كان كالس فالطاولة كيفطر حتى هز عينيه فيه
(بن موسى) : اهلا اهلا اهلا سي رضى من نهار دفنوه مزاروه
(رضى) : دغيا توحشتيني الواليد
(بن موسى ) : (كيهضر و هوا محاملوش) علاش اي منتوحشكش ا ايوا 3سنين ديال الغبرة ف ايطاليا راه مساهلاش خليتي كولشي على ضهري
(رضى) : (بضحكة جانبية) نتا كتاجر ف الناس و بغيتيني حتى انا ندخل معاك فهادشي مكفاكش المافيا لي دخلتيني ليها وانا باقي
(بن موسى) : (بالغوات)كبر ليك الشان اولد الحرام وليتي كتزايد معايا فالهدرة دخل فالشبوقات لي مكيخصوكش انا لي باك و ربيتك و نتحكم فيك دخل فالمافيا ولا مدخلش سمعتي و اخر مرة تعاود هاد الهدرة ولا يعلى صوتك على صوتي سمعتي
(رضى لي زفر و طلع ليه الدم طلع و خلاه كيغوت وراه دخل حيد جاكيت ديالوا و دخل لمحمام يدربها ليه بشي تدويشة، تم خارج لاوي عليه فوطة و لقا تيليفونوا غيطرطق بلي زابيل من عند صاحبوا روح بالروح
(رضى بصوت رجولي ):واش السبع هاني
(ايمن) : واش الزعيم قالولي نزلتي المغرب
(رضى بطنز): مكيفوتك والوا العشير
(ايمن لي بدا كيضحك):مالنا كنلعبوا هنا شنوا زعما منتقاشعوش فاليل
(رضى) : مطلبتي غير الموجود فبلاصتنا نيت
(ايمن) : اه تم نيت
(رضى) : صافي تلاح
مور ما قطع رضى الابيل مع ايمن دخل تريسينغ لبس تيشرت و كيطما و تلاح فوق سرير ينعس .
نرجعوا عند سلمى وصلات لقات الدنيا كتصفر بقات مسايسة مع الحارس حتى خلاها دخلات و توجهات القسم ديالها نيشان دقات حتى كتسمع دخل حلات الباب و طلات على الاستاد كان واقف و كيشوف فيها
(الاستاد) : دخلي
(سلمى تمات داخلة تقلب على فين تكلس محسات غير بالاستاد شدها من دراها مرجعها )
(الاستاد): فين الالة غادة مدرمة
(سلمى) :(بعصبية) ياك قلتي ليا دخلي
(الأستاذ) : اه قلت دخلي ماشي كلسي اش هاد الوقت
(سلمى ) :سمح ليا استاد مشا عليا الحال
(الاستاد) : سيري كلسي و اخر مرة يجيني شي حد معطل
(سلمى مزادتش معاه الهدرة و اصلا حيت كتخاف لايشد معها شي استاد الضد و يمشي ليها العام و هيا بغات تخرج مها من الفقر و راسها ، سلمى تمات غادة و بانت ليها بلاصة حدا واحد البنت خاوية و كلسات حداها )
(سلمى) : سلام
(البنت كانت سميتها امال) : وعليكم السلام
بطلتنا كلسات و بقات متبعة مع الاستاد حتى سالاوا حصتهم و تموا خارجين سلمى كانت خارجة مع البنت و كايتعارفوا مابيناتهم
(البنت) : انا سميتي امال الوزاني عندي 19عام و نتي
(سلمى ) :متشرفين،انا سلمى العمراني 20 عام
(امال) : متشرفين،
البنات تموا غادين قاصدين الباب باش يخرجوا و هوما مجمعين
(اما) :رتاحيت ليك اسلمى والله بنت ضريفة فاش شفتك كيصاحبلي متكبرة
(سلمى شافت فيها و ضحكات ) : كولشي كيقولها ليا و حتا انا رتاحيت ليك ازين
(امال) : ايوا من اليوما نوليوا صحبات
(سلمى) : اه واخا ضروري، حتى انا معنديش صحابات فالجامعة مهم ا حبيبة نخليك حتى لغدا و نعادوا نتلاقاوا
(امال ) :بسلامة حبيبتي
و تسنات حتى وقفات طاكسي عاد مشات .
كان ضاربها بنعسة مافاق غا على الدقان ديال ايمن لي تم داخل
(ايمن ) : واش الزعيم باقي ناعس تا نوض اليلة نزهيوها مع التيتيز
(رضى ناض مبوق بنعاس شير عليه ب وسادة لوجهوا نيشان )
(رضى) : واش اصاحبي متخلي تاحد ينعس مالك على هاد الروينة راه باقي الحال
(ايمن):تا نوض اصاحبي راه المغرب ادن قبيلة نوض بدل عليك يالاه
( ناض خاسر دخل الحمام قضا حاجتوا و خرج دخل للتريسينغ ختار تيشرت فالكحل سروال فتا هوا فالكحل و جاكيت الكوير فالقهوي و سباط موكاسان و سرح شعروا و دار ساعتوا رش بارفان و نضار كحلين على عينيه
لبسة ديال رضى 👇👇

و تم خارج عند ايمن لي تاهوا مناقص وسامة عليه كان لابس قميجة فالبيض حال ليها الصدايف الاولين و سروال كحل و صباط تا هوا موكاسان فالكحل و مسرح شعروا و نضار عند الفتحة ديال القميجة )
(ايمن) : هاي هاي هاي ناوي طيح لينا بنات اليل اليوم ولا
(رضى خنزر فيه و تموا خارجين و كل متوجه لطموبيلتوا ، بعد مدة هوما وصلوا البار بلاصتهم المعلومة هوا لي داخل بتخنزيرتوا اما واحد ايمن لي لقاها قداموا يغمزها زهوانيين من طراز الرفيع واخا تشوفوا بطلنا هكاك راه زهواني، طلعوا لبلاصة في اي بي غير كلسوا جا عندهم سرباي
(سرباي) : كيف العادة مسيو ايمن
(ايمن ) :اه ضروري
(السرباي مشا يجيب ليهم داكشي لي بغاو، من بعيد جوج بنات و من الواضح انهم بنات ليل كيتغامزوا عليهم محسوا براسهم حتى تموا غاديين لعندهم )
(كاليريناهيا وقفات عليهم و قالت ):مسيو الزعيم ممكن نكلسوا حداكم
رضى لي مردش عليهم
(ايمن ) :ايه ايه مرحبا
و هيا مشات لعندوا كالسة حداه و مرة مرة تحاك معاه و هوا كاع مامصوق ليها شلا مسمار فراسوا باغي يطرقوا)
السرباي حط ليهم الشيشة و المكسرات و الشراب بكل انواعوا و طفاية مهم الطبلة معمرة بجميع المنكرات لي طيح ليك على البال، اما هيا لي ضل تجبد معاه الهدرة و والوا مكيدويش محسات غير بيه لي ساط ليها الدخان فوجها و حمر فيها
(رضى ) : سكتي شوي راسي ضارني و لا نوضي تقاودي عليا
سكتات معاوداتهاش معاه حيت عارفاه فاش كيتعصب ايقتلها بلا ميشعردازت مدة و بطلنا جايب الكاو و عينيه على الراقصة لي كانت كترقص بكل احترافية ، حتى سالات الموسيقى و حبسات معاها حتى الراقصة
(ايمن ) : الله على شيخة هيا كتشطح و قلبي كيشطح معاها تمنيت شي ليلة معاها حمرا
(رضى و عينيه حمرين بشراب ) : سير اش كتسنى ياك الحاجة لي بغيتيها كتجي تا لعندك
ايمن لي ضحااك و مبوق و ناض خلى رضى و مشا يشوف ليه مع الراقصة
رضى لي جر كاليرينا من يديها و توجه بيها ل جناحوا لي كاين تم نيت حيت هوا مول داك البار ، تم داخل و مدخلها معاه نيشان لاحها فوق السرير و حيد جاكيت ديالوا ، كيقطع ليها فحوايجها بلا مقدمات و دوزوا ليلة كاملة مع بعضياتهم.
صبح صباح جديد و رضى يالاه فايق لقا كاليرينا بقا ناعسة بسيف و هوا مرمدها البارح تا ولات شرويطة حط ليها كمشة دالفلوس عند راسها و ناض دخل لحمام دوش سالا لبس حوايجوا، و خرج فحالاتوا .
- دازت سيمانة على حياة ابطالنا...
سلمى تصاحبات مع امال و لاو مكتيفارقوش و اليوم دايرة معاها يخرجوا المول يتقداو لي خاصهم .
(سلمى كتهدر ف تيليفون) : واخا اصاحبتي هاني نازلة غير نلبس سبرديلة، (قطعات مع صاحبتها المكالمة دارت تيليفونها ف ساكها و تمات خارجة عند صاحبتها)
( امال) : لولولي تعطلتي اصحبتي عروسة و مكديرش هاد التعطيلة
(سلمى و هيا كتسلم عليها بالوجه) : ايوا اختي شغندير راه ضربتها بتدويشة و بوكليت شعري و لبست و خلاص خاسنا نماكيوا باش نطيحوا تيتيز
(امال ضحكات) : يالاه يالاه غير زيدي نمشيوا قبل ميضلام علينا الحال غير هنا نيت
البنات شدوا طاكسي و توجهوا نيشان للمول.
اما عند رضى دار مع صحابوا يخرجوا يفطروا على برا فالصباح, ناض ضربها ليه بتدويشة و خرج لبس تيشرت لاسق عليه فالاسود و سروال دجين و سبرديلة كحلة و ساعة فيديه سرح شعروا و هز نضاضروا و سوارت طموبيل من نوع رونج روفر، و زاد مكسيري نيشان لواجهتوا، بعد دقائق وصل و بلاصة طموبيلتوا فالباركينغ و تم داخل بتخنزيرتوا و العضلات ياختي كل واحدة فبلاصتها مكايناش شي وحدة يدوز من حداها و تبع ليه العين، شاف صحابوا كالسين و تم قاصدهم و من بينهم صاحبوا ايمن، هوما غير شافوه و ناضو يسلموا عليه .
(ادم كيسلم عليه سلام رجولي) : وا فين الزعيم غبورات هادي
(رضى) : غير مع العمل راك عارف اعشيري
( ادم) : كلس كلس مرحبا بيك.
رضى مع كلس و وقف عليه السرباي يطلب شنوا بغا
(السرباي) : شنو حب الخاطر السي رضى
(رضى) : شي قهيوة كيف العادة.
صحابوا جاو قبل منوا طلبوا شنو بغاو، مشا السرباي يجيب ليه القهوة لي بغا، و بقا مجمع مع صحابوا على الخدمة لي مكتقاداش، محسوا غير بالسي ايمن لي شاف شي وحدة دايزة هيا وصاحبتها
(ايمن) : با با با تا ضرب ليا اعشيري على تيتيز دايز الغوز العمر.
السي رضى يالاه بغا يضور يشوف حتى كيلقا غا ريح بحكم كانوا كلسين ف بلاصا مدركة و اصلا عاطيهم بضهر،
( ايمن) : مشتوا والوا اصاحبي تحرك تيتبز هاد اليامات ، رضى بقا كيشوف فصاحبوا و كيضحك عليه . عند البنات لي داروا المول كامل ، عياو و مشاو باش يرتاحوا فشي كافي، وصلوا ودخلوا لنفس الكافي ليفيها رضى و صحابوا غير هيا من جيها لخرى بيناتهم حيط صغير فيه سقاية، بقاو مدة حتى ستاراحوا و ناضوا باش يمشيو،
(سلمى متكية على طموبيل) : ناري ياختي صافي تسخسخت و زيد عليها تقل دالحوايج عيت
(امال) : زيديني عليك حتا انا عيت غنمشي لدار نيشان انضربها ب نعسة ، نوضي من طموبيل غيشوفك مولاها يقول غا واش جينا نسرقوه ولا شي حجا
(سلمى كتعوج ففمها ) : شناهوا نسرقوه اش غنسرقوا بسلامة الروايض و المرايا ولا شنوا عندوا اصلا تلقايه غير شي شارف بقات ليه سيمانة و يموت ايوا صافي خليه نيت ايجي لما نبرد فيه غدادي و العيا لي فيا انفرج فيه الناس،
وهيا غافلة على هادك لي كان واقف وراها و كيسمع ليها حتى سالات .
(امال كتشوف فيه و تعاود تشوف ف سلمى) : سلمى شوفي وراك
(سلمى لي دارت ) : نعام اخويا كان شي موشكيل كاين منقضيوا واش بنت ليك منفرق نمرتي هنا سير اخويا الله يعاونك
(رضى) : لاش سكتى غير زيدي هضري خوي قلبك
ايوا سلمى لي بدات عليه هاك بلاك هاك بلاك سيدة غالطة و زايداها ب تخراج العينين .
(ايمن لي جا كيجري عندهم) : اش واقع اصاحبي اش درتي ليها
(رضى لي خنزر فيه ) : اش درت ليها؟ قول اش دارت ليا سيدة جاي باغي نركب فطموبيلتي حتى بدات تسب و تعاير
سلمى لي سكتات عاد حسات بشنوا دارت لا لا مسكتاتش
(سلمى بعصبية ) : ايوا انا راه معرفتهاش بلي طموبيلتك اما كاع منقرب ليها زعما شاري هاد الخرخاشة و باغي تبان ب جوج عضالات عندك ولكن ماشي معايا، و جرات امال و مشاوا مخلية بركان وراها مكيحملش لي يتطاول عليه و لا يرفع صوتوا عليه يقبروا نيشان ولكن هادي فشكل حس بحالا كيعرفها حس بحالا شي رابطة قوية جامعاهم...
يتبع...
