إقتباس

أصعب أنواع الخيانة خيانة من كنا نثق بهم. ................... _"أنا اتجوزت عليكي وكنت عندها كل الأسابيع اللي فاتت" _"هههه بطل هزارك البايخ ده مش بحبه" قالتها بضحكة غير مصدقة وهي بتخبطه في كتفه بهزار _"وكمان يعني ايه اتجوزت أنا عارفة ياحبيبي انك كنت في الشغل طول الوقت ده" خلصت كلامها بعدين خدته شدته من ايده ودخلته الأوضة "حضرتلك كل الأكل اللي بتحبه و..." قطع كلامها ودموعه متعلقة في عينيه _"لا مش بهزر انا فعلا اتجوزت وقسيمة الجواز اهي" قالها وهو بيبص بيحطها قدام عينيها خدتها من ايده بإيد مرتعشة "انت ..شكلك سابك .. الموضوع المرة...دي وهزار تقيل علي ...." _"دي الحقيقة و.." بضحك هستيري قالت"يعني اتجوزت... فعلا وأنا اللي كنت بعد الأيام والساعات عشات تيجي وأشوفك هههه" "عارف أنا ايه انا غبية stupid وهبلة عشان رغم الشكوك اللي جوايا كذبتها وحبي ليك كان أقوي" ثم قالت بنبرة حادة"حضنتها زي ما بتحضني رد علياااا" _"اه" _"قولتلها نفس الكلام اللي بتقولهولي" _"لا" _"تممت جوازك منها" _"اه" _"اتجوزتها ليه" _"هي الوحيدة اللي هتعرفي علي اللي حاول يقتل أبويا" قالها بضعف وهو بيبص لها _"خلاص.. عرفت يبقي طلقها" _"مينفعش أطلقها هي مأذتنيش في حاجة وكمان ..." _"حبتها صح قول بتحبها " _"أنا في حياتي محبتش غيرك ولا هحب غيرك " قالها وهو بيحط ايده علي خدها نزلت ايده من عليها بعنف وقالت بغضب شديد "أومال ايه مش عايز تطلقها ليه" " بقالك أسابيع غايب ومستنياك أنا وولادك اتصل بيك كل يوم تقولي مشغول مشغول 8 سنين جواز واتجوزت عليا بعد كل ده" "8سنين مقاطع أبوك وجاي دلوقتي تقولي أبويا" _"بتمني أبوك كان مات" _"إياكي تقولي عليه كدا" قالها وهو بيبص لها بغضب وتحذير _"بتمني أبوك كان يموت في نفس اليوم اللي اتضربت عليه الرصاص.." قبل ما تكمل كلام كان مسكها من رقبتها وبيخنقها _"كله إلا بابا فاهمة.." شالت ايده من علي رقبي تها _"هديك نصيحة واحدة مجانية وخليها ليك وللزمن " قالتها وهي بترفع صباعها ناحيته _"طول ما أبوك عايش مش هترتاح يوم في حياتك" "يوم عيد ميلاده كنت بتسيب المدرسة زي المجنون وتروح عنده رغم ضرب الاساتذه ليك كنت بتسيب شنطتك وتجري عليه بتوزع شيكولاتة عشان عيد ميلاده زي المجنون و حاجات كتير" "بس في الآخر مكنش بيهتم بيك وكان بيقول مشغول" رفع ايده وضربها بالقلم فرجعت ردتهوله _"شكلك نسيت كلامنا واحدة بواحدة ده اللي اتعودنا عليه قلم قصاد قلم " _"طلقني" _"مفيش طلاق" _"قولتلك طلقني حالااااا" _مش هينفع اطلقك عشان ولادي مش عايزهم يعيشوا في بيت متحطم "