#wala2iat #ولائيات #وماذا !! بعد رحيل قلبي مقدمة الاب : انت ايه الي عملته دا الابن : عملت ايه عاجبك اسلوبها الام : اسلوبها عاوزها تعرف انك بتكلم بنات وتسكت الابن : انا راجل اعمل الي انا عاوزه الام : انت اتجننت لعلمك بقي طول ما هي غضبانه عند اهلها انت مش هتقعد في البيت الابن : بتطرديني يا امي من شقتك الاب : لاء يا ناصح بنتطرك من البيت كله اتفضل شوفلك بيت تاني تبات فيه الابن : بابا انت كمان بتطردني الاب : واكسر رقابتك كمان مش كفايه انها مستحمله واحد زيك بكل عقدك النفسيه وظروفك الي زي الزفت وتعاملك الي كل ساعه بحال وراضيه وساكته تقوم تعرف عليها بنات الابن: ليه يا بابا بتعمل معايا كدا الام : لاء كمان بجح لعلمك بقي لو مصلحتهاش ملكش مكان بينا وانا هروح ارجعها شقتها ومتعتبش البيت تاني الاب: اه انا غيرت كالون شقتك ونبهت علي اخواتك متدخلش عند حد فيها انت فاكرني مش عارف الي بيحصل والبنت مبتشتكيش صوت كلام عالي معاها واحنا سامعين وساكتين ولما نكلمها تقول البيوت يا اما فيها 10 سنين البنت مستحملاك واسلوبك معاها ومعانا احنا شخصيا متغيير من ساعه معرفت نتايج تحاليلك الام: خلاص بقي متدخلش الموضوع دا في الكلام يا ابو مصطفي برضه الموضوع بيجرحه الاب : وهو عنده دم واحده اتخلت عن الامومه علشان بتحبه بدل ما يشلها علي راسه عاملي فيها مراهق عنده 17 سنه البيه النغه المحترم الابن: بتعايرني يا بابا اني مبخلفش ودا بايدي يعني الاب : انا مش بعايرك انا بفكرك كان حقها تطلق منك من زمان وتتجوز وتخلف لكن هي فضلت تكمل معاك علشان بتحبك بدل ما تحافظ علي الحب دا لاء بتعاقبها علي اختيارها دا لما حد فينا بيتعب بتكون هي الي جنبنا وبسلامتك نايم بتسيب شغلها علشان تسهر بينا وحضرتك ولا دريان دا لما انت بتزعل امك بتقعد هي تصالحها وتعتذر لها وتمسك اديها وتتحايل عليها تسامحك الام : اه يا بنتي والله لو كنت خلفت بنت مكانتش هتكون زيها حتي سلايفها مش سايباهم في اي مناسبه واقفه جنبهم الابن : وانا يعني كنت عملت ايه تخرج الزوجه من جوا : ابدا يا بشمهندس معملتش حاجه خالص انا لعلمك مخرجتش بيت اهلي علشان خاطر عمي لعلمك انا مشتكتش واتصدمت من كلام عمي وطنط الي بيقولوه الزوج: انتي مكبره المواضيع يا تقي تعالي نطلع شقتنا ونتفاهم وانا هشرح لك كل حاجه تقي: شقتنا اه فاكرني العيله الصغيره الي اتجوزتها وعندها 21 سنه تضحك عليها بكلمتين لاء يا بشمهندس فوق انا كبرت لو مش واخد بالك عمي من فضلك انا مصره علي الطلاق ومش عاوزة شوشره الاب : اهدي يا بنتي هو هيخرج ومش هيضايقك لغايه ما تهدي الام: وهو ندمان انه عرف بنات ومش هيكررها يا تقي الابن :: اه والله يا تقي انتي حب عمري مش هقدر اعيش من غيرك تفتح تقي حقيبتها وتخرج ورقه منها وهي منفعله وتبكي لما انت ندمان اوي كدا تقدر تشرح لي ايه دي بالضبط يا محترم ياخذ الاب من يدها الورقه وينظر لابنه بصدمه الام : فيها ايه الورقه دي وريني كدا تقرا الورق يانهار اسود انت بجد اتجوزت عليها انطق يا مصطفي لتشعر بدوار الدنيا وتقع فاقدة الوعي وتجري تقي عليها وووو اه نسيت اعرفكم بنفسي انا دكتوره تقي المنيري 32سنه من اشهر دكاتره النساء والتوليد ودا مصطفي جوزي مهندس كمبيوتر 35سنه عرفنا بعض ازاي دي بقي قصه كبيره هحكيهالكم بس الاول اشوف حماتي الست الي كانت معوضاني غياب امي عني مهو انا والدتي اتوفت وانا عندي 17 سنه وكنت اكبر اخواتي وانا مش بحب اقولها يا حماتي ولا بقول ماما لان مهما كان كلمه ماما ليها قدسيتها عندي انا بقولها يا نونا زي بقيت العيله بس بحس فعلا انها زي امي ودا عمي مصلح مش حمايا تقدرو تقولو انه الاب الروحي والداعم ليا عن اذنكم هروح اطمن عليهم وابقي اجي بقي ابدا لكم حكايتي لانها حكايه مختلفه عن اي روايه قراتوها او سمعتو عنها وانتظرو روايتي الجديده بقلمي ولائيات
