بسم الله الرحمن الرحيم
نجـــــــم هجــــــام
#نجم_هجام
لا تسولفلي عله حزنك أنه افهمك ...
ما عليك من المسافة ...
لو نحجي برسائل أنه يمك ...
ـــــــــــــــــــــــــــــــــــــ
المشهد الاول •~•
حطيتم كدام الأمر الواقع وجبتهة
مكمشة بايدي ، اني خايفة من الكل
ومن ردات فعلهم لمن يشوفني سويت الي ببالي
رفعتها بين ايديني وحطيتهة عله صدري
حطت راسها علهة صدري وساكنة ما تتحرك وتباوعلي ببرائة ، بنضراتها الجميلة
فتحت الباب ودخلت للبيت وياها
لمن دخلت باوعولي باستغراب
/ السلام عليك
ـ/ عليكم السلام ، منو هاي الطفلة ؟
دنكت وحطيتهة عله الكاع
بانت علة وجوهم الصدمة
ما هتميت لأن هية ما الهة ذنب
/ جبتهة مثل ما كلت ...
اتقدم نحوي ويباوعلهة
خافت من نضراتة وكفت وراية
مكمشة بطرف قميصي
نترهة من وراية بخفة
ـ/ جبتي بنت العار !
يباوعلهة ومدقق بتفاصيلهة
هزيت راسي شوكت يفهمون
/ ما دخلهة بامهة وابوهة ، كااافيي
مو هيية طفللله شعليهة بامهة شعليهة بابوههة
كام من يمها ويباوعلي بنضرات تفهم كال
ـ/ انتي تتحملين مسؤوليتها ؟
تضمنين ما راح تصير مثل امها لو ابوها ؟
تتحملين !
بجت بقوة وشبكت رجليني دنكت يمها وحضنتها
/ لو دخلت بهذاك الطريق وكتهااني اطردها
من البيت واني بعد ما اشوفكم وجهي
لأن وكتها اكون ...
ــــــــــــــــــــــــــــــ
المشهد الثاني °-°
اجواء ماطرة ، سماء سوداء ، طقس بارد
اجلس تحت أحد السقوف الرديئة لاحتمي من المطر
دموع تتساقط مع كل قطرة مطر
يدي تغطي وجهي وشهقتي تتعالى
-/ الغيمة تمطر اليوم !
تقربلي وهو مبلل من ساسة لراسة
اجه دنك كدامي وقدملي كلينسة
ما ادري شلون بعدهة ناشفة
-/ شكرا
حطهة بايدي واجة انتجة علة الحايط يمي
ما بيناتنة مسافة
ـ/ الغيمة ليش تمطر اليوم ؟
ما جاوبتة ...
انتبهت قابض ايدة بعصبية وايدة
مدماية ومجرحة وبيهة كزاز
همست
/ ايدك ...
باوع لايدة وباوعلي وابتسملي
شكلة يخوف شرايينة راح يطكن
عيونة حمرة وايدة ترجف بس مبتسم بشكل يخوف
-/ لا تخافين متوجع
باوعتلة ومبين صدك محاس بيهة
بس ايدينة كاعدات يرجفن مو برد بس عصبية
/ منو ضربت ؟
ضغط علة قبضة ايدة بقوة
شكلة يخوف والدنيا ضلمة
ـ/ تعرفين ليش تسالين ؟
باوعتلة بخوف احس راح يهجم عليه
/ بيهة كزاز هسة تلتهب
باوعلي بعيون ذبلانة ورخة ايدة
ـ/ كلبي التهب بعد شيفرق اذا التهبت ايدي ...
ــــــــــــــــــــــــــــــــــــــ
المشهد الثالث •~•
دخلت لبيتة الاضواء خافتة وشموع قليلة
واكف كدام الطباخ ومامنتبهلي
حضنتة من الخلف ودفنت وجهي بضهره
: اشتاقيتلك
اندار علية وبعدني عنة
:/ نكدر نحجي ؟
هزيت راسي بالقبول وتوترت من طريقة الجدية بالحجي
: اكو شي ؟ يعني شي لازم اعرفة وتكولة الي
:/ اي ،
: اسمعك ؟
باوع بعيون ثواني و وخر عيونة عني وكال ببرود
:/ خلي ننهي علاقتنا ، وكل شخص يروح بطريقة
ضحكت علة كلامة وعيوني دمعت من الضحك
: مو وكت شقة شبيك !
:/ مكاعد اشاقة وياج ! اكلج ما اكدر اكمل بهذي العلاقة ما اكدر افهميني
باوعت بعيونة ودمعت بس ولا دمعة نزلت
: زين ليش ! شفت شي مو زين مني ؟ بس سبب انطيني ، سبب واحد
:/ ما اكدر ، احبهة وما تروح من بالي !
دنكت راسي ما اريد يشوف دموعي
و رجعت صعدت عيني بنص عينة
: كلت ما احبها واساسا ممفكر بيهة طول حياتك
قبضت ايدي وضربت علة صدرة مكان قلبة
: انتة كلت بس انيي كاااعدة بكلبك ! مننن كلت الك ما اريد اكون طرفف ثاالث مووو كتلي هية اساسا ما دخخخلت قلبي ومجرد كانتت ام ابنييي ، موو كتلك اذاا اكو ذرةة حبب آلهة لا تدخلني حياتك !
:/ جذبت عليج ، جنت اريد انساها من خلالج ، وما كدرت
دكيت علة كلبي بقبضة ايدي قوي
: وهذااا منووو يقنننعة انتههه جنتت تمثلل عليه
لزم ايدي يمنعني اضرب نفسي
:/ لا تاذين نفسج ما استاهل والله
: ليييش بسس كوللل ليشش اجيت أكثر من مرة رغمم انييي جنت رافضة الزواج بسس انت لححيت كلت انطيييك فرررصة ليييش احجي
حضني لصدرة يمنعني اتحرك واضرب صدري وكمت اضرب بصدرة قووي
:/ والله اسف ، حقج حقج والله حقج
: وخر عني !
بعدني عنة ضربت صدرة بقوة
: خلص ننفصل ، وراح انهيها اني
باوع بنص عيوني وعيونة ذبلانة و وجهة تعبان
: اكرهك ، من هذي اللحضة لحد اخر نفس اكرهك ، وكل ذرة حب الك تتحول لكره عميق ، وما كرهت أحد بس اكرهك
:/ يمكن ...
قاطعتة وما خليتة يكمل
: ويومة كرهي الك راح يزيد ومستحيل يقل ، اشهر عيشتني بوهم حبك وخليتني اتعلق بيك مثل طفلة يتيمة وكالوا الها هذا ابوج ، هيج تعلقت بيك ، كل ذرة بكياني تتمنى حضن دافي منك بعد ليلة باردة ، بس خلاص انته نهيت حب عميق مستحيل احد ينطيكياه مثل ما جنت مستعدة انطيك حبي
نزعت حلقتي وحطيتهة علة الكامنتر وطلعت
.
.
.
قريبا !
توقعاتكم ؟
