اولا احب اعرفكم ب ابطال قصتي مالك و احمد و مروان تبدأ القصة ب ابطالنا الصحاب التلاتة و هما كانو في الثانوي العام اخدو السنة مرقعة و جم عند اخر تلات شهور حسو علي دمهم و خدوهم جد و ذاكرو و اجتهدو و التلاتة مجموعهم مقلش عن ال 70% و تنسيقهم جاب كلية حقوق في الشرقية و للاسف كان احمد و مروان اللي تنسيقهم كان موديهم الشرقية انما مالك كان في محافظته و هي القاهرة ف هو محبش يسيب صحابه و راح معاهم
مالك: طب هو انتم تعرفو حد في الشرقية ولا ليكو قرايب هناك ولا اي الدنيا اكيد مش هنروح كده
احمد: انا عندي عمي هناك و هنبيت عنده الليلة دي و احنا هنروح ندور علي سكن لينا و نشوف سماسرة
مروان: متشوفوش انا هدور علي النت و نشوف كده سكن حلو و بعدها ننزل نشوف شغل
احمد و مالك تمام شوف و احنا هنجهز الشنط
بعد مرور حبة من الوقت التلاتة جهزو و راحو الشرقية و الوضع تمام لدلوقتي
مالك: هو فين بيت عمك ده و بعدين الاول كده هو عمك عنده بنات عشان لو عنده مش هينفع نبيت الليلة دي
احمد: لا مش عنده غير بغل صغير هيقرفنا بس بس اظن مروان كفيل يسكته او يطفشه
مروان: تعالو احنا نروح نقابل السمسار الاول قبل اما نروح لعمك نشوفه انا كلمته و ده اقل حاجه الاقيه هنا رافعين اوي و كل اما اكلم حد يقول انتم طلاب و بعدها ميردوش و كمان اهو تلات تلاف هنشوف السمسار و هنقابله قصاد كافيه **** احنا نروح نشرب حاجه علي ما يجي
مالك: طيب فل يلا بينا بس مش عايزين نوش ولا اي حاجه عشان انا عارفكم وصلنا الكافيه و كان الوضع عادي و حلو
عزيزي القارئ متستعجلش دي لسة البداية بس🙂
قعدنا في الكافيه و جه الويتر لينا تحبو تطلبوا اي
مروان طلب قهوة و احمد طلب نسكافيه و مالك طلب مانجا
احمد: اه منتا امك مليالك الفودافون كاش طب مش واخد قهوة يلا هات ليا مانجا معاه كده كده هو اللي هيحاسب
«متستغربوش دول كأنهم واحد ف دي تصرفات عادية بينهم»
احمد و مروان شافو بنتين داخلين الكافيه طلعو صفارة كده مالك بصلهم ب استغراب و مروان و احمد قعدو يتكلموا و يقولو دول جامدين و......
مالك بيشرب العصير و بيقولهم انتم تلموا نفسكم و انت ي احمد ءءءء
لسة مكملش كلامه لقي احمد قاعد معاهم علي الترابيزة بتاعتهم و بيهزرو راح جابهم و قعدهم معاهم علي الترابيزة بتاعتهم مالك بصلو بصة توعد
نادي للويتر و قاله يحطله المانجا تيك اواي و طلع يشربها برا و مروان و احمد مع البنات جوا
راح السمسار جه عليه و قاله مش انتم تلاتة فين صحابك
مالك: هما بيشربو حاجه جوا من تعب الطريق «راح مالك همس الله يخربيتكم كان لازم دلوقتي»
السمسار: اهم حاجه و من اهم الشروط مش عايز طلاب بعد ما الكل ينام نلاقي جايبين بنات و حوارات الطلاب دي
مالك: احنا ولاد ناس و ملناش في التصرفات دي المهم هنعاين السكن امتي
السمسار: هتصل علي صاحب السكن و هخليه يجيب العقود و تمضوا و تستلموا
مالك دخل يجيب صحابه و بيقولهم يلا منك ليه هنروح نعاين السكن و لو شافكم بالمنظر ده استحاله يسكنا
مروان و احمد طب سلام ي بنات من حسن حظنا انكم معانا في نفس الكلية اهي كلها يومين و نشوفكم سلام
مالك اتفو عليكوا هتفضلوا اوساخ يلا منك ليه
راحو مع السمسار لصاحب السكن لكن شافو صاحب السكن عنده دراعه و نص وشه محروقين و كان غريب الشكل مش هينكرو انهم خافو من الوضع لكن اتماسكو و مضو العقود و السمسار خدهم للبيت لكن طول الطريق كانو ملاحظين تصرفات السمسار الغريبة و انهم بيخليهم يمشو قدامه و هو بيوجهم و لو مشيوا ببطئ بيقف لغاية اما يمشوا قدامه ف تجنبوا تصرفاته الغريبة و مشيوا
راحو ل بيت شكله غريب السمسار اداهم المفتاح و قالهم شقتكم الدور التاني و راح مشي جري
لكن السمسار قالهم كلام غريب و حذرهم منو
«اياكم ثم اياكم تهوبو نحيت الشقة اللي في الدور الاول او تسمعو اصوات منها تجنبوها و متروحوش نحيتها انا بلغتكم سلام»
