و صلنة المخيم الفجر او انا نمت او اجتي امي كعدتني او كالت خل اروح للخيمة او اني كلش خوافة يعني من انا وزغيرة جنت مريصة او كلش اخاف او اختنة امي او اخذت العوائل الي ويانا او خلتلهم خيمة لانو هية صارت تعرف هاي السالفة فالخذتلهم خيم يم خيمتنة او امي دخلتنة الخينة اني او خواتي او جديتي او خواتي جانن اثنيناتهن حوامل يعني هنة جانن حوامل او ازواجهن ماتو اوكي او ارحنة وياها للخينة او مر اليوم خطير وو عادي يعني احنة مو راهمين ع مخيم ولا نعرف شنو السالفه او مرت فترة او اجة ابن عمتي علية الثاني الي بقت هواي يالة ازوجت تمام او هذولي العوائل احنة اوياهم كلش اهل او انام او نكعد سوية طبعأ بالمخيم صارو ينطون اكل بعين مواد غذائية او الخيمة صارت لنة بيت يعني كهرباء او ني او اكل او شبة انو اشوية صارت امان او بقينة بهاذا المخيم سنتين او صار عمري 9 سنوات طبعأ بالمخيم مرينة بهواي اشياء مرعبة كونة ما. متعودين بالبداية او اخوااتي راحن المستشفى او اجوي اولادهم اثنين احمد او عبود احلى طفلين بالدنيا جانو امسلينة بالخيمة مرت هاذي السنتين مادري اشون صعبة او ايام مرعبة او ايام اشوية حلوة يعني مو حلو. بس احسن من المنطقه مالتنة وو مرت السنتين او كالو اطلعو مظ هاذة المخيم ورحو لمنطقتكم مشكلتكم هاي او رجعو كالو لا لاترجعون اناخذكم لمخيم ثاني او اخذونة لمخيم ثاني وو هنااا بلش العذاب الحقيقي او مشينة بالشاحنات او بالطريق ضربونة بالرصاص عل الشاحنات او بالحجر او غلط وو سب او نزلنة من الشاحنات او ناس هواي متئذية او وصلنة المخيم الثاني وصلنة الفجر او صار شي بحياتي ما انساة او نزلونة علة الشارع او نمنة بالشارع ع حجر او هم صادفت بااشعر السابع بالحر نمنة ع حجر كأنة نار او كعدنة الصبح او كالو روحو للخيم ذنيج او رحنة للخيم مشي المسافة كلش بعيدة رحنالهة مشي او احنة ما خلونة ناخذ اي غرض او اي ملابس بس الي لابسينهن كعدنة بالخيم جانت صحراء كلش احنة سوينة خيمنة او ناس هية صايرة للهم او طبعا مو بس احنة او عوائل اصدقاء ابوية او هواااااي من منطقتنة او ناس من غير مناطق او وصلنة او نضفنة الخيمة او نمنة او اجتي عمتي الثانية او كالت اريد اسكن بخيمتكم او امي كلتلها تعالي عادي اتتكفي او كعدنة بيهة تقريبا ثلاث اشهور او همة الحراسة عل مخيم او المنضمات رجعت تنطينة اكل او مي او كهرباء او يوم من الايام اجوي اعداء ابوية اخذو امي او كالو نسئلهة شنو جان يشتغل ابوكم او ارجعهة او جان بالشهر العاشر تقريبا او سجنوها يمهم لان كالتلهم ما اعرف شنو جان يشتغل او هوة او ولدة اخواني الاثنين حسين او حسن او زوجاتهم راحن لهلهن او بعد اربع اشهور من العذاب الجسدي والنفسي او شفنة ايام بحياتي ما انساها
