نـــَبـدئ بِـ ﷽ '
بِـ قلمَي أنَا'
سَحـيق الڪوَبَــرا '
لأ تنسَـون التَـصويت +التَعليق بِين الفقَـرات +مُـتابعة لـِ حَسابِي
Instagram ؛ wlij4_
Tiktok ؛ v_r1.8
قِناة التـلي
https://t.me/narc_16
....
أهلاً بِـكُم فِي أرضًا أنتَشـر بِـ ها الغُل وَ الحَقـــد الحِسـد وَ المـوت
سَترون وَ سَـ تعلمـون أنّ القَـريب مَهما كَان قَـريب سِـ يُقلِب عليكَ كـ العِقـرب المُفـترس وَ سَـ تـرون أفـاعِي مَهما أنتَشـر سـمها سِـ تبقى الأمِن اليَك مِـن العِقـرب .
............................
هِيّ جسدٌ بلا روحِ وَ ظلٌ يستِقي النورا
هِيّ گفِن ٌ لـها وجعٌ بـهِ جفّ كافورا
مَشتْ فِي جَنازتـهِا فَـردًا وَ كُل النَاس مَسرورة
نَعّم هِيّ فَزعٍ ..
هِيّ جزعُ ..
هِيّ مِـن مَاتت مأسورا
هِيّ مَوت ُ بهِا رمقُ نـفاهُ الطّلُ عافورا
هِيّ أثرٌ بَلا أثرٍ وَ جودها نقشُ أحفورا
هِيّ الأقـداح فـارغةٌ .
هِيّ الأشـباح شاردةٌ .
هِيّ كلٌ بَلا كلٍ وَ بعضـهِا بعضٌ أسطورا .
لڪن مِـن هَو ؟
هَو التـاريخَ الذيَ صُنعا
.
هَو القـانونَ الذيَ وَضعَا
.
هَو الشِهم الذيَ خُدعـا
.
هَو السِهمَ الذيَ فُجعا
.
هَو الأصداءَ مُرتجعـا
.
هَو البَرقَ الذيَ لُمعـا
.
هَو المَطـرَ الذيَ جُمعـا
وَ صبِّ مِـن قارورة لـِ قارورة
.
هَو كابوسَ النـهارَ ،هَو قابوسُ وَ النَارَ
هَو سيفً وَ بتارُ ،هَو الصَنديدُ لوصاروا
جميعًا كانَ مضمارُ رؤؤس الكُل مكسورا
.
هَو الماضي وَ كذِبتهُ وَ حاضرهُ الذيَ كانَ
الأيـام تَمر مِثـل نسمـات الشتاء الهادئة ،مَا تدري بـِ أيّ وقت تجَـيك عـاصفه تعگـر صفـوك وَ راحتك ،
ولو أحـنا عايشيـن بين مَلحمـة،مَا ندري متى تنتهي وَ تخلص فـصول الحرب؟
طـلعت مِـن الغُـرفهه وَ نزلت يمهم أباوع لـِ كُلشي بِـ عيون خاليه مِـن الحـماس .
أنطفت لهفتي بِـ كلشي وَ گلبي تغـلف بِـ البـرود كُل شخص كاعد هنا عـنده قـصه
قصـه تتكون مِـن "الأبطـال،وَ الأشرار"
بِس الشيء الغـريب بين كُل هاي القـصص هِيّ كُل بـطل بِـ قصـته نفـسه الشـرير بِـ قصـة الي بِـ صـفهه ،
الأ أنِي كَنت الشـريره بِـ كُل قصصهم ، الشـخص الي يكشف كُل مخططاتهم وَ أفعالهـم وَ خصامهم ،
كانَ أنا وَ لا زلتُ أنا ،
أبتسمـت وَ أنِي أطگ رگبتي ،بِـلعت ريگي مِـن تذكرت هاي حـرگته كان دائماً يسويها
ألي ،
حاولت أسيطر عَلى عقلي وَ مَا أخلي يرجع لـِيورا بِس باتت محاولاتي بالفشل
وَ أنِي أذگر وَ أسـمع كُل شيء ،
مَا ناسيـه شيء أنِي ،
صـوت طبگت الحِزام بِـ قوة ،صوت صـراخ ،صوت طفـل يصـرخ يـريد أمه ،
كُل هاي الأصـوات بِـ بالي ،
ضغـطت عَلى معصـم أيدي وَ أنِي أشوفـه يقـترب مِـني وَ شگلـه مثل الحيـوان المُفـترس يريد ينقض عَلى
فريـسته ،
أجـيت أحچي بِس سرعان مَا باغتني
بِـ لسـعه قويـه ألفت عَلى ضهري مِـن حزامه ،
كتمت صوتي خوفي لايسمعوني ،مَا أريدهم يسمعون صوتي ،
عضـيت أصبعي وَ أنِي أصرخ بِـ كُل جلده أنجلـدها منه
:"أحسبي منا لـ 50 حَتى مَا يزيد عقابچ"
بلعت ريگي وَ أنِي أردد بِـ كُل جلده رقم وَ أحاول مَا أتخربـط لحَد مَا وصلت لـِ 50
أجيت أحچي بِس أنتفـض جسمي مِـن صوت الـرمي وَ الأصوات العالـيه ،
طـلع يركض وَ جريت جسمي بِـ وجـع لحَد الشـباك الي يطل عَلى الشـارع ،
للحـظه أنگلب أرڪان هـذا لـِ البيت لـِ مجـزرة دِمـاء .
أصوات ،دماء ،صراخ كلها تجمعت بِـ لحظه وحده "
-"وَ كانت السـاعه 12:06 ،سـاعه أصبـحت بها دمـاء قـلبي تـنزف بِـ غزاره معَ غزارة الأمطار أمامي "
...................
دخلت لـِ المخبئ وَ شفـته مثل كُل يوم يدخن و يلقي شعـر
:وَ حقَ خالقكِ وَ بارئكِ
وَ حقَ منشيئكِ وَ مولاكِ
غلبتني عيناكِ وَ حقَ عيناكِ
ضحكت وَ حچيت بِـ ضحگه أتشاقه ويا
:مِـن هِيّ مُعذبه قلب هلمسكين ؟
التفت الي نص التفاته وَ رجع دار وجهه
:هِيّ أحجيّةٌ تعذرُ حـلها
إن حُلّ فـايٌ فهي الأستحـالة
"هِيّ حسرةٌ حِلم مَا أضن تتحقق"
..................
كـعدت گبالها وَ هنّ ملتمات عليها و يواسنها وَ أنِي ماخذتلي صفـنه صفح عليـهن وَ هِيّ تبچي وَ تشهگ بِـ الحچي
:چذب هاي صور مُفبركه مُستحيل هيچ يسوي بيه ،أعترفلي ذاك اليـوم شلون هيچ يخوني ،أعرف بي ما يسويهاا
هـزيت أيدي وَ جريت روحي يم الگنتور وَ ظليت أدگ عليـه دگه سريعه وَ أهز بِـ رگبتي وَ أغني
:جـابولي صوره وطحت
گالولي ها صدگت
نزلت عيني وكلت لا هذا مو هو ،،
و طررن طررن طرن لالالالا
باوعلي گلهن و غمنـي ،تفلت عليهن وَ شردت وَ أنِي أصيح
:مو صوجن صوچي أنِي اجيت اواسيها ،تفووو عليكم ايها القوم الفاسق
..............
لزمت ايدها حيل وَ أردفت
:خـاله مو منا غُرفتج، ليش جايبتني أتجاه المخزن ،
ظليت منتضره جوابها لحَد مَا بسقت كلامها عليه
:دسكتي أنتِ مو عميه شمدريج بِـ غرفتي وين صايره ،اكلج خاف تچذبين علينا
أبتسمت وَ أردفت
:لا خـاله بِس أنِي أحفـظ الأماكن حسب حدسي
لزمت أيدي حيل و جرتني وَ هِيّ تحجي بسرعه
:اي خوش خوش يلا امشي بسرعه خل اكعد اسولفلج عن مكان أختچ و منو أخذها ،
هزيت رأسي وَ سرعت مِـن خطواتي وياها ،لحَد مَا سمعت صوت باب ينفتح ،
دخلـنه الها وَ حسيت بيها تجر كُرسي وَ تگعدني عليه ،شويه و اسمعها تگلي
:خل أجيب ماي وَ اجي غرفتي مَا بيها ماي
طلعت وَ أنِي ظليت أنتظرها وَ أنِي أحس
بِـ أحساس غريب حَتى ريحه مو طيبه
بِـ الغُـرفهه ،
شويت وَ زادت الريحه ظليت اشتمها حَتى أعرف شنو مِـن ريحه ،
أستغربت الريحه تشبهه ريحه سيارات مَا أعرف شنو شهگت وَ گمت من مگاني وَ أنِي أشتم ريحه نفط ترست الغُـرفهه ترس
للحـظه حسيت بِـ المكان صـار حار وَ صرت أشتم ريحه نار و نفط كُلش قويـه لـِ درجه ظليت أسعـل مِـن قـوة الريحه ،
رجف جسمي بِـ خـوف وَ أنِي أحس
بِـ الغُـرفهه تشتعل بِـ نار ،صرخت بِـ خـوف
:خاللللللهههه ،وينججج خاللله ،خاله راح احترققق خاله ويننننج
مَا سمعت جووواب وَ طحت عَلى الأرض وَ الدخان ترس ريتي صحت بِـ جزع وَ خوف مِـن أموت بِـ هذا العذاب ،
:اللهي بحق حبيبك مُحمد أجعلها بردًا وَ سلامـه كما جعلته عَلى أبراهيم نبيكم ،
يالله..
.........................
